ЮБИЛЕЙГА ТАЙЁРГАРЛИК.
- 10-11-2018, 16:28
- 36
Ўзбекистон-Япония маданий ҳамкорлиги
- 7-11-2018, 18:18
- 48
Навоий шаҳридаги Санъат галереясида Япония халқининг етук олими, жамоат арбоби, файласуф ва фоторассом, Навоий шаҳрининг фахрий фуқароси Дайсаку Икеданинг "Табиат билан суҳбат” номли фотокўргазмаси очилди.
Унда Навоий вилояти ҳокимининг ўринбосари Фахриддин Солиев, вилоятимизнинг таниқли ижодкорлари, рассомлар, таълим муассасалари раҳбарлари, коллеж, мактаб ва лицейлардан келган ўқувчи ёшлар иштирок этди.
Кўргазманинг тантанали очилиш маросимида Дайсаку Икеданинг ўғли, "Сока Гаккай Интернэшнл” Халқаро Ассоциацияси вице президенти Кензи Ёсиго ҳамда Ўзбекистон Республикаси Президенти ҳузуридаги Ислом Каримов илмий-меъмориал мажмуаси директорининг ўринбосари, академик Турсунали Қўзиев сўзга чиқиб, Ўзбекистон ва Япония давлатлари ўртасидаги миллий-маданий алоқаларнинг тобора ривожланиб бораётгани, Тошкент давлат маданият ва санъат институтининг фахрий профессори, Навоий шаҳрининг фахрий фуқароси Дайсаку Икеданинг сермаҳсул ижодий фаолияти, унинг икки давлат ўртасидаги маданий алоқаларни мустаҳкамлашдаги беқиёс ҳиссаси тўғрисида алоҳида тўхталиб ўтдилар.
Шунингдек, тадбирда Навоий шаҳар ҳокими Муҳиддин Базаров ҳам сўзга чиқиб, ўзбек ва япон маданияти бир бири билан муштарак эканлигини алоҳида эътироф этди.
Навоий шаҳрида машҳур фоторассомнинг мазкур кўргазмаси очилаётгани Ўзбекистон-Япония дипломатлик алоқаларининг 25 йиллигига ҳамда Навоий шаҳрининг 60 йиллик байрамига муносиб туҳфа бўлди, – деди шаҳар ҳокими М. Базаров ўз нутқида. – "Табиат билан суҳбат” кўргазмасида намойиш этилаётган расмларда ажойиб табиат манзаралари, дунёнинг турли жойларидаги инсонлар ҳаёти, Япония шаҳрининг бетакрор кўринишлари ўзига хос тарзда ифода этилган. Фурсатдан фойдаланиб, биз навоийликлар ҳам бу йил 90 баҳорни қарши олган Дайсаку Икедага узоқ умр ва ижодий муваффақият тилаймиз.
Байрамона мусиқа садолари остида кўргазма очилиб, галерея залига томошабинлар ташриф буюришди. Улар кўргазмага қўйилган бир-биридан чиройли манзараларни, япон халқи табиати, ўсимликлари, ҳайвонот олами акс эттирилган фотосуратларни завқ билан томоша қилишди.
– Мен япон адабиётига, санъатига жуда қизиқаман, – дейди Навоий техника-иқтисодиёт касб-ҳунар коллежи ўқувчиси Дилдора Равшанова. – Бугун бу ерда машҳур фоторассом Дайсаку Икеданинг энг сара асарларини кўриб, завқ олаяпман. Менга, айниқса, мана бу "Гавай ороли”, "Фудзи тоғи”, "Япониядаги Сока университети”, "Ниагара шаршараси” каби суратлар жуда манзур бўлди. Уларга тикилиб қарасангиз, худди ўша бетакрор табиат кўз олдингизда жонлангандек бўлади ва ўзингизни ўша манзаралар олдида тургандек ҳис этасиз. Умуман, ижодкор расмларининг ҳар бири ўзига хос мўъжиза, ҳар бири бир олам гўзаллик.
Кўргазма залига келган яна бир ҳамшаҳримизни суҳбатга чорладик.
– Мен расм чизишга жуда қизиқаман, кўп расмлар чизганман, – дейди Навоий шаҳридаги 8-умумтаълим мактаби 8-синф ўқувчиси Шахзод Жумақулов. – Япон халқининг таниқли рассоми ижодини кузатиб, шу лаҳзадан менинг фоторассомликка ҳам қизиқишим ортди. Чунки бу расмларнинг ҳар бирида ҳаётий манзаралар тасвирланган. Уларда инсон билан табиат уйғунлиги мужассам.
Албатта, Ўзбекистон-Япония маданий-гуманитар алоқалари лойиҳаси асосида ўтказилаётган ушбу фотокўргазма Навоий халқида катта қизиқиш уйғотди.
Кўргазма яна бир неча кун давом этади.
ОГОҲЛИК – ХАВФСИЗЛИГИМИЗ ГАРОВИ
- 7-11-2018, 17:52
- 49
Навоий шаҳар ҳокимлиги мажлислар залида "Аҳоли хонадонларини иситиш, уларнинг маиший эҳтиёжлари учун табиий ва суюлтирилган газ, кўмир ёқилғисидан фойдаланишда бахтсиз ҳодисалар келиб чиқишининг олдини олиш ҳамда хавфсиз фойдаланиш қоидаларини кенг миқёсда тушунтириш, тарғибот ишларини олиб бориш” мавзуида йиғилиш бўлиб ўтди.
Йиғилишда Навоий шаҳар ЁХБ, шаҳар газ таъминоти участкаси масъул ходимлари, уй-жой коммунал идоралари ва ширкатларнинг раҳбарлари, маҳаллалар, корхона ва ташкилотлар мутасаддилари иштирок этди.
Йиғилишда шаҳар ҳокими М.Базаров, Ўзбекистон Республикаси ИИВ ЁХББ илмий-тадқиқот маркази катта муҳандиси М.Султонов, вилоят ИИБ ЁХБ бошлиғи ўринбосари Ф.Пўлатов ва бошқалар сўзга чиқиб, Ўзбекистон Республикаси Вазирлар Маҳкамасининг 2018 йил 1 ноябрдаги "Аҳоли хонадонларида иситиш тизими ва ёқилғи маҳсулотларидан фойдаланишда хавфсизлик талабларига риоя этилишини таъминлаш чора-тадбирлари тўғрисида”ги Қарори юзасидан шаҳримизда олиб борилаётган ишлар тўғрисида ўз танқидий-таҳлилий фикрларини баён этишди ва зарур тавсияларни беришди.
– Кунлар совиши билан аҳолининг электр энергияси ва табиий газга бўлган эҳтиёжи кескин ортмоқда, – дейди Ўзбекистон Республикаси ИИВ ЁХББ илмий-тадқиқот маркази катта муҳандиси М.Султонов, – Шу боис аҳоли турар жойларидаги иситиш қозонлари ва печларидан хавфсиз фойдаланиш талабларига риоя этилишини доимий назорат қилишимиз лозим. Хонадонларда газ плиталари ва бошқа иситиш воситаларидан фойдаланишда кўпчилик фуқаролар ёнғин хавфсизлиги қоидаларига амал қилишмайди. Оқибатда бундай жойларда ёнғинлар, ис газидан заҳарланиш ҳолатлари юзага келмоқда. Ушбу салбий ҳолатларнинг олдини олиш учун хонадонларга бирма-бир кириб, кенг тушунтириш ишларини олиб бориш лозим.
Бундан ташқари, йиғилишда Навоий шаҳар ҳокими ўринбосари И.Қодиров, шаҳар ЁХБ бошлиғи Н.Пайзиев, шаҳар ФВБ бошлиғи Х.Примбетов ҳам сўзга чиқиб, таълим муассасалари, МТМлар, корхона ва аҳоли яшаш уйларида ис газидан заҳарланишнинг салбий оқибатлари, уларнинг олдини олиш, махсус ишчи гуруҳ тузилиб, уйларга кириб бориш ва уларда иситиш мосламалари, печлар, газ плиталаридан фойдаланиш аҳволини ўрганиш, ис газидан, ёнғинлардан сақланиш бўйича муҳим фикр ва мулоҳазаларни билдиришди. Улар иштирокчиларнинг мавзу юзасидан берган саволларига ҳам атрофлича жавоб беришди.
Йиғилиш якунида барча масъул идоралар ходимларига кўрилган масалалар бўйича тегишли топшириқлар берилди.
Азим ХУШВАҚОВ,
Навоий шаҳар ҳокимлиги Ҳарбий сафарбарлик
ва фавқулодда
вазиятлар масалалари бўйича етакчи мутахассиси.
Ўзбекистон 24 телеканали махсус мухбири Навоий шаҳрида.
- 5-11-2018, 11:34
- 50
Ўзбекистон 24 телеканали махсус мухбири Шоира Умрзоқова худудлардаги ҳалқ қабулхоналари фаолияти,президент қарорлари,давлат дастурлари ижроси юзасидан Навоий шаҳрига ташриф буюрди.Сектор рахбарлари,ҳалқ қабулхоналарига мурожат қилган шикоятчилар билан сухбатлашди.Шикоятларнинг ижроси масъуллар томонидан қанчалик бажарилганлиги бўйича аҳоли билан суҳбатлашди.
Шуни алоҳида қайл этиш керакки, журналист томонидан аҳолига қилинган мурожаатларда фақатгина масъул ташкилотлар эмас, балки аҳолининг ҳам ижтимоий-сиёсий саводхонлигини ошириш, ислоҳотларга бўлган дахлдорлигини ошириш масаласига ҳам эътибор қаратилди.
Шунингдек, Навоий шаҳар ҳокими М.Базаров билан давлат дастурлари ижроси, истеъдодли ва фидоий ёшларни ижтимоий-иқтисодий қўллаб-қувватлаш соҳасида ҳам суҳбатлашилди.
Шаҳар ҳокими ўз сўзида ҳудудда дастурлар ижроси ҳамда барча сектор раҳбарлари томонидан амалгка оширилган ишлар юзасидан, келгусида Навоий шаҳрида бунёд этиладиган инновацион лойиҳалар, замонавий қурилишлар бўйича фикрлар билдирилди.
Шуни алоҳида қайл этиш керакки, журналист томонидан аҳолига қилинган мурожаатларда фақатгина масъул ташкилотлар эмас, балки аҳолининг ҳам ижтимоий-сиёсий саводхонлигини ошириш, ислоҳотларга бўлган дахлдорлигини ошириш масаласига ҳам эътибор қаратилди.
Шунингдек, Навоий шаҳар ҳокими М.Базаров билан давлат дастурлари ижроси, истеъдодли ва фидоий ёшларни ижтимоий-иқтисодий қўллаб-қувватлаш соҳасида ҳам суҳбатлашилди.
Шаҳар ҳокими ўз сўзида ҳудудда дастурлар ижроси ҳамда барча сектор раҳбарлари томонидан амалгка оширилган ишлар юзасидан, келгусида Навоий шаҳрида бунёд этиладиган инновацион лойиҳалар, замонавий қурилишлар бўйича фикрлар билдирилди.
