Участка сайлов комиссияларини тузиш ва уларнинг шахсий таркибини тасдиқлаш тўғрисида

Халқ депутатлари Навоий шаҳар Кенгашига сайлов ўтказувчи шаҳар сайлов комиссиясининг

Қ А Р О Р И

УЧАСТКА САЙЛОВ КОМИССИЯЛАРИНИ ТУЗИШ ВА УЛАРНИНГ ШАХСИЙ ТАРКИБИНИ ТАСДИҚЛАШ ТЎҒРИСИДА

«Халқ депутатлари вилоят, туман ва шаҳар Кенгашларига сайлов тўғрисида»ги Ўзбекистон Республикаси Қонунининг 14-моддасига мувофиқ Тошкент шаҳар сайлов комиссияси

ҚАРОР ҚИЛАДИ:

1. Навоий шаҳридаги Олий Мажлис Қонунчилик палатасига сайлов ўтказувчи округ сайлов комиссиясининг 36 та «Участка сайлов комиссияларини тузиш ва уларнинг шахсий таркибини тасдиқлаш тўғрисида»ги қарори маълумот учун қабул қилинсин.

2. Ўзбекистон Республикаси Марказий сайлов комиссиясининг 2014 йил 11 сентябрдаги қарорининг 10-бандига биноан, сайлов участкалари ва участка сайлов комиссиялари Ўзбекистон Республикаси Олий Мажлисининг Қонунчилик палатасига ва халқ депутатлари Навоий шаҳар Кенгашига сайлов ўтказиш учун ягона ҳисобланиши ижро учун қабул қилинсин.

3. Участка сайлов комиссияларининг шахсий таркиби кўрсатилган рўйхат «Навоийпресс» газетаси ва «navoiy.uz» сайтида эълон қилинсин.

      Халқ депутатлари Навоий шаҳар Кенгашига

сайлов ўтказувчи шаҳар сайлов комиссиясининг раиси                                                                      Ш.Халилов

Навоий шаҳри,

2014 йил 6 ноябрь