САЙЛОВ ВА ЁШЛАР
САЙЛОВ ВА ЁШЛАР
Рустам ҲАЙИТОВ, ФЖШМҚМИ Навоий вилоят ҳудудий бўлинмаси катта мутахассиси.
Шу кунларда республикамизнинг турли ҳудудларида, ҳаттоки чекка туман ва қишлоқларда ўтказилаётган тадбирларда, ёшлар вакилларининг оммавий ахборот воситалари орқали чиқишларида шу жиҳат кўринмоқдаки, ёш авлод сайловларни кутмоқда ва унга қизғин тайёргарлик кўрмоқда. Бу бежиз эмас. Биринчидан, ёшлар сайловларда иштирок этиш орқали давлат ва жамият бошқарувида бевосита қатнашадилар, бошқача қилиб айтганда, давлат ва жамият билан мулоқотга киришадилар. Сайловлар ёшларнинг юрт тақдирига дахлдор эканлигини англашига, масъулиятни ҳис қиладиган мустақил шахс сифатида шаклланишига ёрдам беради.
Бу йил илк марта сайловда қатнашадиган миллионлаб ёш замондошларимиз ҳам мустақил қарор қабул қилиб, Ватанимизнинг эртанги тараққиёти учун овоз берадилар.
Иккинчидан, сайловлар воситасида ёшларнинг хоҳиш-иродаси, ижтимоий кайфияти намоён бўлади. Овоз бериш бюллетенига белги қўйиш орқали ёшлар ўз эҳтиёжлари ва манфаатларини давлатга, жамиятга билдирадилар ҳамда амалдаги ҳукумат танлаган ижтимоий-сиёсий, иқтисодий ислоҳотлар курсига ўз муносабатини намоён этадилар. Бу давлат ва жамиятнинг эртанги тараққиёти учун жуда муҳим.
Учинчидан, сайловларда ёшларнинг фаол иштирок этиши ва муайян сиёсий кучларни астойдил қўллаб-қувватлашлари орқали уларнинг манфаатларини парламент ва ҳукумат даражасига олиб чиқиш имкониятлари янада кенгаяди.
Хорижий тажрибадан маълумки, сайловлар якунида ҳокимиятга келган ҳар бир сиёсий куч ўз фаолиятида уни фаол қўллаб-қувватлаган ижтимоий гуруҳнинг манфаатлари ва иродасини рўёбга чиқаришга интилади.
Шундай экан, ёшлар сайловда бирон-бир сиёсий партия номзодларини фаол қўллаб-қувватлаш билан ўз манфаатларини рўёбга чиқариш ва юқори бошқарув органларида илгари суриш учун интиладилар. Аксинча, сайловларда ёшларнинг фаолсизлиги ва бефарқлиги оқибатида уларнинг манфаатлари ва муаммолари ўзлари билан бирга, тор доирада қолиб кетаверади.
Тўртинчидан, ёш сайловчилар сиёсий партиялар ва уларнинг номзодлари учун янги ғоялар ва ташаббуслар манбаи ҳисобланади. Ҳар бир йигит-қиз – бу аввало, янги ғоя. Чунки ёшлар жамиятга янги ва илғор ғояларни ташувчи ижтимоий гуруҳдир. Партиялар ва номзодлар сайловолди ташвиқоти даврида ёшлар билан яқин мулоқот ўрнатиш, уларнинг ишончини қозониш орқали ўз ғояларининг ҳаётбахш ва яшовчан эканлигини аниқлаш ҳамда ўз мафкуравий позициясини янги ғоялар ҳисобига мустаҳкамлаш имкониятига эга бўладилар.
Бугуннинг ёшлари фаол, зийрак ва интилувчан. Уларнинг мамлакатимиздаги ҳар бир сиёсий партияга ўз баҳоси бор. Ёшларимизни шунчаки бирон бир партиявий ғояга ишонтириш ва ўз ортидан эргаштириш осон кечмайди. Бунинг учун сиёсий партиялар ёшлар орасига чуқурроқ кириб боришлари, уларнинг манфаатларини англаб ва ўз номзодлари воситасида сайловолди ташвиқоти даврида ишонарли тарзда илгари суришлари зарур. Шундагина улар сайловларда ҳал қилувчи куч бўлган ёш сайловчиларнинг овозини қўлга кирита оладилар.
Agarda Siz maqolada xatoni uchratgan bo‘lsangiz, unda matnni belgilab, (CTRL + ENTER) tugmasini bosing va sayt administratoriga xabarnoma jo‘nating.
mavzuga doir o‘xshash maqolalar:
- Adliya boshqarmasi
- Sog'liqni saqlash boshqarmasi
- Xalq ta'limi boshqarmasi
- O'rta maxsus kasb-hunar ta'lim boshqarmasi
- Viloyat qishloq va suv xo'jaligi boshqarmasi
- Statistika boshqarmasi
- "Yermulkkadastr" xizmati
- "Navoiy dori-darmon"
- Kasaba uyushmalari tashkilotlari birlashmasi
- Sinov va sertifikatlashtirish markazi davlat korxonasi
- "Qizilqumtcement" OAJ
- Navoiy davlat konchilik instituti
- Navoiy davlat pedagogika instituti
- Navoiy tog'-metallurgiya kombinati
- Arxiv boshqarmasi
- "Kamolot" YOIH
- "Navoiypaxtasanoat" XAB
- Navoiy xalqaro aeroporti
- Navoiy elektr tarmoqlari
- "Navoiazot" OAJ
- Viloyat davlat veterinariya boshqarmasi
- "Navoiy issiqlik elektr stantciyasi" OAJ
- Navoiy viloyati "Qishloqxo'jalikkimyo" XAJ
- GUP "Navoiy neftebazasi"
- Mehnat boshqarmasi
- Madaniyatva sport boshqarmasi
- Davlat raqobat boshqarmasi
- Arxitektura boshqarmasi
- O‘zbekiston Respublikasi hukumati portali
- O‘zbekiston Respublikasi Prezidenti axborot xizmati
- O‘zbekiston Respublikasi Oliy Majlisi sayti
- O‘zbekiston Respublikasi Oliy Majlis Senati sayti
- O‘zbekiston Respublikasi Kasaba uyushmalari federatsiyasi portali
- Navoiy viloyati hokimligi
- O‘zbekiston Respublikasi Oliy sudi sayti
- O‘zbekiston Respublikasi qonun hujjatlari milliy bazasi