НОГИРОН ВА ИМКОНИЯТ ЧЕКЛАНГАН ФУҚАРОЛАРГА ЯНА БИР ИМКОНИЯТ

Ватанимиз мустақиллигининг 26 йиллиги муносабати билан ўтказилаётган мурувват тадбирларида  имконияти чекланган фуқароларнинг бир гуруҳига Президент совғаси – замонавий уйлар берилаётгани улар қалбини чексиз қувончга тўлдирмоқда.

 Мана шундай бахтли инсонлардан бири Токпонов Жуманиёз бува 76 ёш кўзи ожиз, 1-гуруҳ ногирони, маълумоти олий, Бухоро давлат педагогика институтини тамомлаган. У кишининг турмуш ўртоғи Токпонов Ҳурмат ая (62 ёш, 2-гуруҳ ногирони) билан 7 қиз ва 2 ўғилни оқ ювиб, оқ тараб вояга етказган. Жуманиёз бува 33 йил давомида вилоятимиздаги кўзи ожизлар кутубхонасида меҳнат қилиб, 7 йил давомида кўзи ожизлар мактабида ўқитувчи ва директор сифатида фаолият юритган. 2008 йилда юртимизнинг биринчи Президенти томонидан Кўзи ожизлар кутубхонасида фаол меҳнат қилганлиги учун фахрий ёрлиқ билан тақдирланган. Ҳозирда 6 нафар неваранинг азиз бува ва бувиси сифатида ширин ҳаёт кечириб келаяпти. Жуманиёз бобонинг биринчи ўғли ҳайдовчи  иккинчи ўғли Токпонов Жонибек "Навоийазот” ОАЖ машинисти, шунингдек, у кишининг 2 нафар қизи шаҳримиздаги 22-31 мактабгача таълим муассасаларида тарбиячи сифатида меҳнат қилишмоқда. Яқинла 2 ўғил фарзандимизнинг никоҳ тўйларини ўтказган эдик, тўйдан кўп ўтмасдан яна бир қувончли хабарни эшитдик. Жуманиёз бобо ушбу қувончли хабарни сўзлаб, шундай хотирлайди. 

Узоқ йиллар давомида кўп сонли оила аъзоларим билан Навоий шаҳридаги Спорт кўчасида 2 хонали уйда истиқомат қилиб келдик. Жорий йилда Президентимиз Ш.Мирзиёевнинг шахсан ташаббуси ва раҳнамолигида биз каби ногирон ва имконияти чекланган фуқароларга ғамхўрликнинг ёрқин наъмунаси сифатида шаҳримиздан ватан ичида ватан ҳисобланган яна бир 2 хонали барча шарт – шароитларга эга уй-жой билан таъминланишди.

Бундай лаҳзалардаги оилада аъзоларимни  қувончини шунчаки сўз билан ифодалаб бўлмайди. Биз билан бўлган суҳбатда Жуманиёз бобо ҳар қанча яхши сўзларни ёзсангиз, ёзаверинг буёғини ўзингиз келиштираверинг бизни қувончимиз чексиз дейди – Жуманиёз бобо суҳбат давомида шундай дейди.  Бу учун ҳурматли юртбошимиз  Ш.Мирзиёев ҳамда вилоятимиз ва шаҳримиз ҳокимларига чин дилдан миннатдорчилик билдираман.