ЙЎЛ ҚОИДАЛАРИГА АМАЛ ҚИЛАЙЛИК
Вилоят ИИБ йўл ҳаракати хавфсизлиги бошқармаси ва унинг Навоий шаҳар бўлинмаси томонидан мактаб ва муассасалар олдидаги йўлларда ҳаракат хавфсизлигини таъминлаш, мактаб ўқувчилари ва пиёдалар иштирокидаги йўл-транспорт ҳодисаларининг олдини олиш борасида муайян ишлар амалга оширилмоқда.
Бугунги кунда шаҳар ҳудудидаги 31 та чорраҳада светофор қурилмалари ўрнатилган бўлиб, улардан 24 таси янги типдаги ёруғлик диодли светофор қурилмаларига алмаштирилди. Светофор қурилмалари ўрнатиш орқали транспорт воситалари ва пиёдаларнинг хавфсиз ҳаракати таъминланди. Жумладан, "Меъморлар” кўчасида, 3-оилавий поликлиника қаршисидаги чорраҳа ҳамда Ғалаба шоҳкўчаси, "Жебатчи” дўкони қаршисидаги пиёдалар ўтиш жойларида одамлар оқимининг кўплиги ва уларнинг асосий қисмини мактаб ўқувчилари ташкил этишини инобатга олган ҳолда янги типдаги ёруғлик диодли светофорлар ўрнатилди. Шунингдек, Навоий кўчасининг "Қизилқумцемент” АЖ автоколоннаси қаршисида ҳамда Ғалаба ва Бўлат кўчалари кесишган чорраҳаларда янги кўринишдаги замонавий светофорлар жойлаштирилди.
Булардан ташқари, Ғалаба шоҳкўчасидаги 8-мактаб олдида ҳамда Толстой кўчаси билан кесишган чорраҳадаги эски типдаги лампали светофорлар тежамкор ёруғлик диодли светофорларга алмаштирилди. Бундай ишлар Кармана тумани Қўчқор Қаршиев кўчасига Педагогика коллежи бошбекатидан чиқиш жойида ҳамда "Самарқанд-Бухоро-Туркманбоши” халқаро автомобиль йўлининг 162-километрида тумандаги 17-мактабдан, 156-километрида 6-мактабдан ҳамда 168-километрида 14-мактабдан чиқиш жойларида ҳам диодли светофорлар ўрнатилиб, чорраҳалар орқали ҳаракатланаётган транспорт воситалари ва пиёдаларнинг хавфсизлиги таъминланди.
Шунинг баробарида Навоий шаҳри кўча ва йўлларида мавжуд йўл белгиларининг ҳолатини яхшилаш юзасидан ҳам қатор тадбирлар амалга оширилмоқда. Жумладан, 2015 йилнинг бошидан жорий йил сентябрь ойига қадар шаҳар кўча ва йўлларида 203 та етишмовчи йўл белгилари ўрнатилди ҳамда 187 та эскирган йўл белгилари ўрнига янги белгилар қўйилди.
Шаҳардаги тартибга солинмаган пиёдалар ўтиш жойларига ҳайдовчиларнинг диққатини тортиш мақсадида "Пиёдалар ўтиш жойлари” йўл белгилари ва "Болалар” йўл белгилари, сариқ рангдаги ҳошиялар, янги йўл белгилари ўрнатилди. Шунингдек, шаҳар йўлларининг кўплаб мактаб ўқувчилари ўтадиган тартибга солинмаган кесиб ўтиш жойларидаги ётиқ чизиқлар оқ ва сариқ ранглар комбинациясида бўяб чиқилмоқда.
Ислом Каримов шоҳкўчасида 11- ва 17-мактабларга ўтиш жойида ҳамда 1-мактабга кесиб ўтиш жойларида, Ғалаба шоҳкўчасининг Навоий маданият ва санъат коллежи қаршисида тартибга солинмаган кесиб ўтиш жойларида ҳам шундай тадбир амалга оширилди. Шунингдек, бу жойларга ҳар иккала томондан яқинлашишда 150 метрда 50 йўл белгиси, ҳар иккала томондан 100 метр масофада 30 юқори тезлик чекланган йўл белгиси, "Болалар” йўл белгилари билан ўрнатилди.
Бундан ташқари, тартибга солинмаган пиёдалар ўтиш жойларига ҳайдовчиларнинг эътиборини қаратиш мақсадида Ислом Каримов шоҳкўчасида 12-мактабга ўтиш жойи ва "Лион” бекатлари олдидаги пиёдалар ўтиш жойларига, Ғалаба шоҳкўчасининг Навоий информатика ва электрон саноат касб-ҳунар коллежи олдидаги пиёдалар ўтиш жойларига қатнов қисми ўқига ҳар икки томондан яқинлашишда 30 юқори тезлик чекланган ва "Диққат, пиёда” нур қайтаргичли йўл белгилари ўрнатилган бўлса-да, айрим масъулиятсиз ва бепарво ҳайдовчилар бу ҳолатга лоқайдлик билан қарашмоқда.
Шунингдек, шаҳарнинг Навоий кўчаси ҳамда бошқа қатор кўчаларида мактаб ва коллеж ўқувчилари кўплаб ўтадиган пиёдалар ўтиш жойларига ЙПХ инспектори муляжи ҳамда ўқувчилар муляжлари қўйилган бўлиб, айрим фуқаролар ва ўқувчилар томонидан уларнинг плёнкаларини шилиб кетиш ҳолатлари кузатилмоқда.
Юқоридагилардан кўриниб турибдики, шаҳар кўчаларида ҳаракат хавфсизлигини таъминлаш борасидаги ишлар биргина вилоят ИИБ йўл ҳаракати хавфсизлиги бошқармаси ходимларининггина вазифаси бўлиб қолмасдан, барча фуқароларимизнинг ҳам бевосита вазифаси бўлмоғи лозим. Шундагина бу борада кутилган натижаларга эришган бўлар эдик.
Т. РАМАЗАНОВ,
вилоят ИИБ ЙҲХБ бўлим
бошлиғи, подполковник.
Agarda Siz maqolada xatoni uchratgan bo‘lsangiz, unda matnni belgilab, (CTRL + ENTER) tugmasini bosing va sayt administratoriga xabarnoma jo‘nating.
mavzuga doir o‘xshash maqolalar:
Davlat boshqaruv organlari rasmiy saytlari
- Adliya boshqarmasi
- Sog'liqni saqlash boshqarmasi
- Xalq ta'limi boshqarmasi
- O'rta maxsus kasb-hunar ta'lim boshqarmasi
- Viloyat qishloq va suv xo'jaligi boshqarmasi
- Statistika boshqarmasi
- "Yermulkkadastr" xizmati
- "Navoiy dori-darmon"
- Kasaba uyushmalari tashkilotlari birlashmasi
- Sinov va sertifikatlashtirish markazi davlat korxonasi
- "Qizilqumtcement" OAJ
- Navoiy davlat konchilik instituti
- Navoiy davlat pedagogika instituti
- Navoiy tog'-metallurgiya kombinati
- Arxiv boshqarmasi
- "Kamolot" YOIH
- "Navoiypaxtasanoat" XAB
- Navoiy xalqaro aeroporti
- Navoiy elektr tarmoqlari
- "Navoiazot" OAJ
- Viloyat davlat veterinariya boshqarmasi
- "Navoiy issiqlik elektr stantciyasi" OAJ
- Navoiy viloyati "Qishloqxo'jalikkimyo" XAJ
- GUP "Navoiy neftebazasi"
- Mehnat boshqarmasi
- Madaniyatva sport boshqarmasi
- Davlat raqobat boshqarmasi
- Arxitektura boshqarmasi
Mashhur maqolalar
Davlat organi saytlari
- O‘zbekiston Respublikasi hukumati portali
- O‘zbekiston Respublikasi Prezidenti axborot xizmati
- O‘zbekiston Respublikasi Oliy Majlisi sayti
- O‘zbekiston Respublikasi Oliy Majlis Senati sayti
- O‘zbekiston Respublikasi Kasaba uyushmalari federatsiyasi portali
- Navoiy viloyati hokimligi
- O‘zbekiston Respublikasi Oliy sudi sayti
- O‘zbekiston Respublikasi qonun hujjatlari milliy bazasi
Давлат муассалари билан мулокот килиш максадида Интернет xизматларидан фойдаланганмисиз?
Ха, ва куп маротаба
Йук, ёки айтарли натижага эга булмаганман
Шахсан муассанинг узига мурожаат этганман
Бу хизматлардан бохабар эмасман
Veb-sayt bo`yicha mas`ul