ҚЎЛИДА ҲУНАР, ДЎППИСИДА ЗАР ГУЛЧЕҲРА ОПА
Ота-боболаримиз азал-азалдан ҳунарманд кишиларни эъзозлашган. Фарзандларини уларга шогирдликка бериб, бирор касб-корни эгаллашларига жиддий эътибор қаратишган. Шунданми, эл орасида "Ҳунари бор хор бўлмас”, "Бир йигитга қирқ ҳунар ҳам оз” каби ибратли мақоллар пайдо бўлган.
Аждодларимиздан устоз-шогирд анъаналари асосида йигитларга дурадгорлик, темирчилик, косиблик, устачилик каби ҳунарлар ўргатилиб келинаётган бўлса, қизларга асосан тикувчилик, тўқувчилик, зардўзлик, каштадўзлик сингари оғир жисмоний меҳнат талаб қилмайдиган, аёлларга ҳос нафис ишлардан сабоқ берилган.
Ўзбекистон Республикаси халқ усталари, ҳунармандлари, мусаввирлари "Ҳунарманд” уюшмаси Навоий вилоят бошқармаси аъзоси Гулчеҳра опа Шаймуродова ҳам саккиз ёшидан буён зардўзлик билан шуғулланиб келади. Ҳунари орқасидан элда обрў эътибор қозонган.
– Болалигимда уйимизда бувим ва онажонимнинг дўкончалари бўларди, – дейди Гулчеҳра опа. – Унда зардўзи ёстиқчалар, келин ва куёвларнинг дўппилари каби миллий либослар тайёрлашарди. Уларни кузатиб, ҳавас қилиб, менда ҳам шу ҳунар сир-асрорларини ўрганишга иштиёқ пайдо бўлган. Шунданми, онажоним Ҳожибегим Адизовани устозим деб биламан. Аллоҳга шукур, ҳунарим орқасидан кам бўлмадим. Уйлар қурдик, машина олдик. Мана аста-секин фарзандларимни ўқитаяпман. Айниқса, шогирдларимнинг ота-оналари миннатдорчилик билдиришганда кўнглим тоғдек кўтарилади. Қўлимда тенгсиз ҳунарим борлигидан фахрланаман, албатта.
Фаолиятини янада кенгайтириб, тайёрлаган миллий либосларини бозорга ҳам чиқаришни мақсад қилган Гулчеҳра опа уйида тикувчилик ва зардўзлик цехини ташкил этган. Айни пайтда бу ерда 12 нафар хотин-қизлар иш билан таъминланган. Улар тайёрлаган келин-куёвлар либослари, дўппилар, белбоғ, рўмолча, болалар тўнчалари ва саллачалари, паранжи, сўзана, ёстиқ жилдлари ўз харидорларига эга.
Устоз-шогирд анъанаси асосида кўплаб қизларга зардўзлик сирларини ўргатиб келаётган опа республикамизнинг турли ҳудудларида ҳам юзлаб шогирдларга эга. Уларнинг айримлари ишини давом эттириб, турли кўрик-танловларда юқори натижаларга эришиб келмоқда. Истеъдодли шогирдларидан бири, қўшниси ҳамда қариндоши бўлган Гўзал Сирожова устозидан зардўзликнинг энг нозик сир-асрорларини қунт билан ўрганиб, ҳозирда ўзи мустақил равишда давом эттириб келмоқда.
– Қўшни бўлганимиз учун ҳам уларникига кўп чиқиб турардим, – дейди Гўзал Сирожова биз билан суҳбатда. – Улар тайёрлаган либосларни кўриб, ҳайратланиб қолардим. Шунинг учун 1-синфлигимдан дарслардан кейин албатта, Гулчеҳра опамникига чиқиб, қилаётган ишларини қизиқиш билан кузатиб турардим. Шундан кейин бу одат бўлиб қолди. То турмушга чиққунимгача ҳам опамга ёрдамлашиб, у кишидан нимадир ўрганишга астойдил ҳаракат қилдим. Ҳозир уринишларим самарасини бериб, ўзим мустақил турли миллий либослар, сўзаналар тикаяпман.
Кетма-кет "Ташаббус-2004”, "Ташаббус-2005” ва "Ташаббус-2006” кўрик-танловида иштирок этган қўли гул Гулчеҳра опа ҳар сафар "Йилнинг энг яхши тадбиркор аёли” номига сазовор бўлган. Бундан ташқари, пойтахтимиз Тошкент шаҳрида ўтказилган ҳунармандлар кўргазмалари иштирокчиси ҳисобланади.
Айни пайтда ишини оилавий равишда давом эттираётган опага бу борада катта ўғли ва келини яқиндан кўмак беришаяпти.
– Бугунги кунда мамлакатимизда тадбиркорларга катта имкониятлар яратилган, – дейди Гулчеҳра опа Шаймуродова сўзини давом эттириб. – Мен бундан унумли фойдаланиб, келгуси йили банк кредити асосида Хитойдан замонавий технологияни келтириб, цехни янада кенгайтирмоқчиман. Шунда тайёрланаётган маҳсулотлар сафига яна янги турдаги сифатли ва арзон бежирим либослар ҳам қўшилади. Бу харидорларимизга ҳам манзур бўлади деган умиддаман.
Дўконга кетма-кет кириб келаётган харидорларни кўриб, уста ва моҳир ҳунармандларнинг қўл меҳнати маҳсулотларини халқимиз жуда ҳам эъзозлашига яна бир бор амин бўлдик. Миллий либосларимиз, айниқса, зардўзи сўзаналар, кўзни қамаштиргудай товланаётган дўппилар ҳамиша урфда эканлигига асло шубҳа йўқ.
Райҳон РАХИМОВА.
Agarda Siz maqolada xatoni uchratgan bo‘lsangiz, unda matnni belgilab, (CTRL + ENTER) tugmasini bosing va sayt administratoriga xabarnoma jo‘nating.
mavzuga doir o‘xshash maqolalar:
Davlat boshqaruv organlari rasmiy saytlari
- Adliya boshqarmasi
- Sog'liqni saqlash boshqarmasi
- Xalq ta'limi boshqarmasi
- O'rta maxsus kasb-hunar ta'lim boshqarmasi
- Viloyat qishloq va suv xo'jaligi boshqarmasi
- Statistika boshqarmasi
- "Yermulkkadastr" xizmati
- "Navoiy dori-darmon"
- Kasaba uyushmalari tashkilotlari birlashmasi
- Sinov va sertifikatlashtirish markazi davlat korxonasi
- "Qizilqumtcement" OAJ
- Navoiy davlat konchilik instituti
- Navoiy davlat pedagogika instituti
- Navoiy tog'-metallurgiya kombinati
- Arxiv boshqarmasi
- "Kamolot" YOIH
- "Navoiypaxtasanoat" XAB
- Navoiy xalqaro aeroporti
- Navoiy elektr tarmoqlari
- "Navoiazot" OAJ
- Viloyat davlat veterinariya boshqarmasi
- "Navoiy issiqlik elektr stantciyasi" OAJ
- Navoiy viloyati "Qishloqxo'jalikkimyo" XAJ
- GUP "Navoiy neftebazasi"
- Mehnat boshqarmasi
- Madaniyatva sport boshqarmasi
- Davlat raqobat boshqarmasi
- Arxitektura boshqarmasi
Mashhur maqolalar
Davlat organi saytlari
- O‘zbekiston Respublikasi hukumati portali
- O‘zbekiston Respublikasi Prezidenti axborot xizmati
- O‘zbekiston Respublikasi Oliy Majlisi sayti
- O‘zbekiston Respublikasi Oliy Majlis Senati sayti
- O‘zbekiston Respublikasi Kasaba uyushmalari federatsiyasi portali
- Navoiy viloyati hokimligi
- O‘zbekiston Respublikasi Oliy sudi sayti
- O‘zbekiston Respublikasi qonun hujjatlari milliy bazasi
Давлат муассалари билан мулокот килиш максадида Интернет xизматларидан фойдаланганмисиз?
Ха, ва куп маротаба
Йук, ёки айтарли натижага эга булмаганман
Шахсан муассанинг узига мурожаат этганман
Бу хизматлардан бохабар эмасман
Veb-sayt bo`yicha mas`ul