Тадбирда Навоий шаҳридан ҳам 4 нафар болажоннинг суннат тўйлари зўр тантана билан нишонланди. "Зарафшон” маҳалласида яшовчи Азизбек Абдуллаев тўйболалар орасида ўзини янада бахтиёр ҳис этди.

– Оталарча меҳрибонлик кўр­са­тиб, фар­зандимнинг келажаги учун қай­ғу­раётган Президентимиздан миннатдорман, – дейди Азизбек­нинг онаси Нар­гиза Абдуллаева. – Айниқса, жигарбандим бундай эъзоз ва эътибордан мамнун. Ўғлим келажакда эл корига ярайдиган ақлли инсон бўлиб етишишига ишонаман, албатта. 

Кечада тўйболаларга маҳаллий ҳо­ким­ликлар ва ҳомий ташкилотларнинг совғалари, ўқув қуроллари ҳамда Халқ банки туман, шаҳар бўлимларида болажонлар номига очилган махсус ҳисоб рақамига 1 миллион сўмдан пул маблағлари ўтказилган жамғарма омонат дафтарчалари тантанали равишда топширилди. Тадбирда болаларнинг ота-оналари, яқин қариндошлари, маҳалла фаоллари, меҳнат фахрийлари, кенг жамоатчилик вакиллари иштирок этди.

Халқимизга хос эзгу ишлар кўламини кенгайтириш, ўзбекона миллий анъаналарни давом эттириш ва инсон манфаатларини ҳимоя қилиш мақсадида "Президент эътибори – мурувват тадбирларида” шиори остида ташкил этилган ушбу маросимларда ижтимоий ҳимояга муҳтож кўплаб оила фарзандларининг суннат тўйлари тантанали равишда ўтказилди.