Навоий шаҳрида 31 маҳалла фуқаролар йиғинларида жам 43152 та хонадон мавжуд бўлиб, уларда 144158 нафар аҳоли истиқомат қилади. Уларнинг 35041 нафари 30 ёшдан ошган аёлларни ташкил этади.

Ўтказилган хатлов натижаларига кўра, Навоий шаҳрида "Аёллар дафтари”га киритилган хотин-қизларни ижтимоий-ҳуқуқий ва психологик қўллаб-қувватлаш, уларни касб-ҳунарга ўргатиш ва бандлигини таъминлаш ишларини самарали ташкил этишни амалга оширишга қаратилган манзилли чора-тадбирлар дастури ишлаб чиқилиб, аниқ вазифалар белгилаб олинди.

Куни кеча вилоят сектор раҳбарлари ва Навоий шаҳар ҳокимлиги масъуллари ҳамкорлигида ўтказилган қабул жараёнида 18 нафар хотин-қизларга имтиёзли кредит асосида тикув машинкалари ажратилди. 20 нафар ишсиз хотин-қизларни иш билан таъминлаш чоралари белгилаб олинди. 10 нафар тадбиркорлик қилиш истагида аёлларга масъул тижорат банклари бириктирилиб, кредит расмийлаштириш чоралари кўрилди.

@Navoiy_shahar_axborot_xizmat