Навоий шаҳрида ташкил этилган "Шуҳрат” футбол клуби 1999 йилдан буён фаолият кўрсатиб келмоқда.

Биринчи лигага ўтиш турнирига чиқиш учун вилоятларда кубогни олган жамоалар ўртасида минтақавий "А” гуруҳи Навоий вилояти ҳудуди футбол мусобақасида республикамизнинг Қорақарпоғистон, Сурхондарё, Бухоро, Самарқанд, Хоразм ва Навоий вилоятларидан 6 та жамоа ўзаро беллашишди. 10-15 декабрда ўтказилган мусобақаларда "Шуҳрат” футбол клуби жамоаси 2-ўринни эгаллади.

Бундан ташқари, 13 ноябрдан 28 ноябргача "Кимёгар” уйингоҳида ўтказилган вилоят биринчилигида мазкур жамоа фахрли 1-ўринга муноиб топилди.

Шунингдек,1-7 декабрь кунлари 8 та жамоа ўртасида ташкил этилган вилоят чемпионатида бошқалардан устунлик қилиб, кубок соҳиби бўлди.

Бугун ғолиб жамоани Навоий шаҳар ҳокими М.Базаров қутлади ва уларнинг келгуси фаолиятларига омадлар тилади.

Мазкур жамоа 20-27 декабрь кунлари Тошкент шаҳрида футбол бўйича биринчи лигага ўтиш турнирида "Шуҳрат” футбол клуби Навоий вилояти номидан ушбу мусобақада иштирок этади.

Навоий шаҳар ҳокимлиги Ахборот хизмати:

@Navoiy_shahar_axborot_xizmat