Ҳар қандай давлат ва жамият истиқболи баркамол ёш авлодга, унга кўрсатилаётган эътибор ва ғамхўрликка, яратилаётган шарт-шароит ҳамда имкониятларга бевосита боғлиқ. Бугунги кунда мамлакатимиз, вилоятимиз, шунингдек, Навоий шаҳримизда ҳам бу борада кенг кўламли ишлар амалга оширилмоқда.

Навоий шаҳри ҳокими, биринчи сектор раҳбари Муҳиддин Базаровнинг 5-умумтаълим мактаби мажлислар залида бўлиб ўтган сектор ҳудудидаги маҳаллалар ёшлари билан учрашувида ана шулар ҳақида атрофлича сўз юритилди.

Тадбир қатнашчиларига якунланган 2020 йилда ёшларга оид давлат сиёсатини амалга ошириш борасида амалга оширилган ишлар ва жорий йил учун белгиланган вазифалар хусусида ҳисобот берилди.

–Ўтган йили ёш навоийликларнинг ўз имкониятларини рўёбга чиқариш, ўқиш, меҳнат қилиш, тадбиркорлик фаолиятини йўлга қўйиш ва ривожлантиришлари йўлида жиддий чора-тадбирлар кўрилди, – деди шаҳар раҳбари. – Жумладан, Бунёдкор маҳалласида ёшлар кичик саноат зонаси барпо этилиб, 38 та лойиҳа ишга туширилди. Бу ердаги ёшлар тадбиркорлик субъектларида замонавий илғор технологиялар асосида экспортбоп ва импорт ўрнини босувчи маҳсулотлар ишлаб чиқарилади.

Навоий шаҳар ҳокимлиги Ахборот хизмати.

https://t.me/Navoiy_shahar_axborot_xizmat