Навоий шаҳрида "КАМЕЛИЯ ГРОУП” масъулияти чекланган жамияти томонидан умумий қиймати 27 млрд. 600 млн. сўм бўлган терини қайта ишлаш заводи ишга туширилди.

Тадбиркор Комил Эгамов томонидан ташкил этилган мазкур корхона бир йилда жами 9 минг тонна терини қайта ишлаш қувватига эга. Шунингдек, мазкур субъектда 30 нафар ёшлар ва аёллар иш билан таъминланди.

Қайд этиш керак, мазкур корхона шаҳар ҳудудидаги кичик саноат зонасида  иш бошлаган бўлиб, жорий йилда бу ерда яна 30 га яқин худди шундай лойиҳалар амалга оширилади. Хусусан, қайиқ,   лифт, газобетон ва кафел, гилам маҳсулотлари ҳамда ҳар хил турдаги бўёқлар ҳамда 2 та жунни қайта ишлаш цехлари ташкил этилмоқда.

2021 йилда шаҳримиз тадбиркорлари томонидан ташкил этиладиган умумий қиймати 1 трлн 700 млрд сўм бўлган жами 76 та лойиҳаларни амалга ошириш ҳисобидан 1600  га яқин ишсиз ёшларимиз ва аёлларимиз  иш билан таъминланади.