<a href="#"><b>JANNATMONAND NAVOIY SHAHRINING SULIM BOG`LARI!</b></a><p></p> <a href="#"><b>ENG YOSH, SANOATI VA IQTISODI RIVOJLANGAN NAVOIY!</b></a><p></p> <a href="#"><b>JANNATMONAND NAVOIY SHAHRINING SULIM BOG`LARI!</b></a><p></p>
Навоий шахар хокимлиги расмий сайти » Navoiy shahri » ЗАМОНАВИЙ МЕБЕЛЛАР ИШЛАБ ЧИҚАРИЛМОҚДА

ЗАМОНАВИЙ МЕБЕЛЛАР ИШЛАБ ЧИҚАРИЛМОҚДА

12-10-2015 11:24 Navoiy shahri, Yangiliklar  
       Навоийлик Ғанишер Воҳидов ҳам мебелсозлик соҳасида фаолият бошлаб, жорий йилда "Навоий Қизилқум мебель” масъулияти чекланган жамиятини ташкил этди. Яқиндагина ишга тушганига қарамасдан корхона маҳсулотлари жуда харидоргир. – Бугун халқимизнинг турмуш маданияти тобора юксалиб, уларнинг мебель жиҳозларига бўлган эҳтиёжлари ҳам ортиб бораяпти, – дейди корхона раҳбари Ғ.Воҳидов. – Шунинг учун мен тадбиркорлик фаолиятимни ушбу йўналишдан бошлашга қарор қилдим. Дастлабки иш фаолиятимизни йўлга қўйиш учун банкдан 40 миллион сўм миқдорида кредит олдик. Ҳозир мижозлар буюртмаси асосида ишлаяпмиз. Уларга миллий ва европача услубда тайёрланган 30 га яқин турдаги мебель буюмларини етказиб бераяпмиз. Мақсадимиз сифатли, замонавий ва нисбатан арзон маҳсулотлар ишлаб чиқаришдир. Чунки пишиқ ясалган, бежирим кўринишдаги мебелларга доим талаб юқори. Корхонада айни пайтда ўн саккиз нафар ишчи-усталар меҳнат қилишаяпти. Уларнинг беш нафарини касб-ҳунар коллежларини тамомлаган ёшлар ташкил этади. Устахонадаги қизғин иш жараёнларини бир зум кузатиб, ишчилардан бирини суҳбатга тортдик.– Бу ерда замонавий эшик, стол, стул, шкаф ва бошқа турдаги меҳмонхона, ошхона, ётоқхона юмшоқ мебеллари ҳамда офислар учун мўлжалланган мебеллар тайёрланади, – дейди ишчи Акбар Аслонов. – Уларни харидорнинг диди, хоҳишига қараб ясаяпмиз. Зарур ёғоч, тахта ва бошқа хом ашё материалларини Тошкент шаҳридан олиб келаяпмиз. Тайёр маҳсулотларимиз халқимиз хонадонларига кўрк бағишлаб турганини кўрганимда, биз ҳам хорижникидан қолишмайдиган, эл эҳтиёжига мос буюмлар тайёрлаётганимиздан фахрланаман. Корхона маҳсулотлари нафақат шаҳримиз аҳолисига, балки бошқа туман ва шаҳарлардан келаётган мижозларга ҳам етказиб берилмоқда. Келгусида жамоа аъзолари маҳсулот турларини кўпайтириш ва харидорларга янги турдаги мебель тўпламларини етказиб бериш устида изланмоқдалар. Шунингдек, иш унумдорлигини янада ошириш мақсадида замонавий дастгоҳ ҳамда ишлаб чиқариш ускуналарини олиб келиб ўрнатишни режалаштирмоқда. Бу эса келажакда яна 30 та янги иш ўринларини яратиш имконини беради. 


Agarda Siz maqolada xatoni uchratgan bo‘lsangiz, unda matnni belgilab, (CTRL + ENTER) tugmasini bosing va sayt administratoriga xabarnoma jo‘nating.



Mashhur maqolalar
Fotosuratlar
barchasini ko‘rish
Ish tartibi

Ish vaqti: 08.30-18.00s
Dam olish: Shanba, Yakshanba

murojaat tartibi
Давлат муассалари билан мулокот килиш максадида Интернет xизматларидан фойдаланганмисиз?

Ха, ва куп маротаба
Йук, ёки айтарли натижага эга булмаганман
Шахсан муассанинг узига мурожаат этганман
Бу хизматлардан бохабар эмасман

Veb-sayt bo`yicha mas`ul

Nasirov Shuxrat Fayzulloevich
Tel: 0436-223-6250
E-mail: navoi@nv.uz

murojaat tartibi
© 2011-2018. Sensorika ishlanmasi Saytdan ma'lumot ko‘chirilganda giper havola majburiy!