Шаҳар ҳокимининг қарори

01-03-2017 07:53 E`lonlar, Normativ hujjatlar, Hokim qarorlari

"__24___” _02___ 2017___y.(г) № Қ-174/02-сон

Шаҳардаги транспорт воситаларини мажбурий техник
кўрикдан ўтказиш тўғрисида

Ўзбекистон Республикасининг "Маҳаллий давлат ҳокимияти тўғрисида”ги Қонунининг 6, 25-моддаларига (Ўзбекистон Республикаси Олий Кенгашнинг Ахборотномаси, 1993 й., 9-сон, 320-модда) Ўзбекистон Республикасининг "Йўл ҳаракати хавфсизлиги тўғрисида”ги Қонуни (Ўзбекистон Республикаси қонун ҳужжатлари тўплами, 2013 й., 15-сон 197-модда) 17-моддаси, Ўзбекистон Республикаси Вазирлар Маҳкамасининг 2003 йил 31 январдаги 54-сонли қарори билан тасдиқланган "Транспорт воситаларини мажбурий техник кўрикдан ўтказиш тартиби тўғрисида”ги Низомига (Ўзбекистон Республикаси қонун ҳужжатлари тўплами, 2003 й., 1-2-сон, 17-модда) мувофиқ, транспорт воситаларининг 2017 йилги техник кўригини ташкил қилиш мақсадида

ҚАРОР ҚИЛАМАН:

1. Шахар ҳудудидаги барча юридик ва жисмоний шахсларга тегишли бўлган транспорт воситалари мажбурий техник кўрикдан ўтказилсин.
2. Шаҳардаги транспорт воситаларини техник кўрикдан ўтказиш бўйича шахар комиссиясининг таркиби 1-иловага, мажбурий техник кўрикдан ўтказиш жадвали 2-иловага мувофиқ тасдиқлансин.
3. Шахардаги барча транспорт воситалари эгалари бўлган юридик ва жисмоний шахслар транспорт воситаларини техник паспорти билан биргаликда, ўз вақтида режа жадвал асосида техник кўрикдан ўтказилишини таъминласинлар.
4. Транспорт воситалари қуйидаги даврийликка мувофиқ техник кўрикдан ўтказилсин:а) тижорат асосида йўловчилар ташиш учун фойдаланиладиган енгил автомобиллар, автобуслар ва ўтириладиган жойлар сони 8 та ва ундан ортиқ бўлган (ҳайдовчининг ўрнидан ташқари), одамларни мунтазам ташиш учун жиҳозланган юк автомобиллари, йирик габаритли, оғир вазнли ва хавфли юкларни ташиш учун махсус транспорт воситалари ва уларга тиркамалар – бир йилда икки марта;б) ишлаб чиқарилганлигига беш йилдан кўп бўлмаган (ишлаб чиқарилган йили ҳам шу жумлага киради) транспорт воситалари (мазкур банднинг "а” кичик бандида кўрсатилган транспорт воситаларидан ташқари) – икки йилда бир марта;в) ишлаб чиқарилган йилини ҳисобга олган ҳолда ишлаб чиқарилганлигига беш йилдан ортиқ бўлган транспорт воситалари, шунингдек ишлаб чиқарилган вақти аниқланмаган транспорт воситалари (мазкур банднинг "а” кичик бандида иккинчи хатбошида кўрсатилган транспорт воситаларидан ташқари) – бир йилда бир марта;г) тиркамалар кўрикка транспорт воситаси – шатакчи учун белгиланган муддатларда тақдим этилади.
5.Қарорнинг 4-банди иккинчи хатбошида кўрсатилган транспорт воситаларнинг техник кўриги:биринчи марта – 1 март – 30 июнда;иккинчи марта – 1 сентябрь – 31 октябрда ўтказилиши инобатга олинсин.Юридик шахсларга қарашли бўлган транспорт воситаларининг техник кўриги 1 мартдан – 30 июнга қадар;Жисмоний шахсларга қарашли бўлган транспорт воситаларининг техник кўриги Ўзбекистон Республикаси Вазирлар Маҳкамасининг 2003 йил 31 январдаги 54-сонли қарори билан тасдиқланган "Транспорт воситаларини мажбурий техник кўрикдан ўтказиш тартиби тўғрисида”ги Низомга мувофиқ 1 январь – 31 августда ўтказилиши белгиланганлиги инобатга олинсин.
6.Транспорт воситаларини мажбурий техник кўрикдан ўтказиш шахар комиссияси раисига:транспорт воситаларининг техник ҳолати, улардан фойдаланиш нормалари ва қоидаларига риоя этилиши устидан самарали назоратни ташкил этиш;транспорт воситаларининг техник ҳолати ва ускуналари йўл ҳаракати хавфсизлиги стандартлари, қоидалари, нормаларига мувофиқлигини баҳолаш вазифаси юклатилсин.
7.Ўзбекистон Республикаси Вазирлар Маҳкамасининг 2003 йил 31 январдаги "Транспорт воситаларини мажбурий техник кўрикдан ўтказиш тартиби тўғрисидаги низомни тасдиқлаш ҳақида”ги 54-сон қарорининг 3-бандида Ўзбекистон Республикаси Мудофаа вазирлиги, Ички ишлар вазирлигининг ички ва соқчилик қўшинлари, Миллий хавфсизлик хизматининг ҳарбий бўлинмалари транспорт воситалари кўрсатиб ўтилган идоралар томонидан белгиланган тартибда мажбурий техник кўрикдан ўтказилиши белгиланганлиги инобатга олинсин.
8. Транспорт воситалари техник кўрикдан ўтказилганлиги учун Ўзбекистон Республикаси Вазирлар Маҳкамасининг 2003 йил 31 январдаги 54-сон қарори билан тасдиқланган "Транспорт воситаларини мажбурий техник кўрикдан ўтказиш тартиби тўғрисида”ги низомга мувофиқ йиғим ундирилсин.
9. Шахар Ички ишлар бўлими (Ю.Эшмуродов) мажбурий техник кўрикдан ўтказиш якуни тўғрисида шахар ҳокимлигига ахборот тақдим этсин.10. Шахар ҳокимлиги Ташкилий-назорат гуруҳи (И.Рахматов) ушбу қарорни расман эълон қилинишини ҳамда шахар ҳокимлигининг расмий веб-сайтига жойлаштирилишини таъминласин.11. Ушбу қарорнинг ижросини назорат қилиш шаҳар ҳокимининг биринчи ўринбосари А.Саломов зиммасига, ижросини ташкил этиш шаҳар Ички ишлар бўлими бошлиғи Ю.Б.Эшмуродов зиммасига юклатилсин.12. Мазкур қарор расмий эълон қилинган кундан эътиборан кучга киради.

Шаҳар ҳокими Н.Ахатов

Agarda Siz maqolada xatoni uchratgan bo‘lsangiz, unda matnni belgilab, (CTRL + ENTER) tugmasini bosing va sayt administratoriga xabarnoma jo‘nating.

mavzuga doir o‘xshash maqolalar:

Ўзбекистон Республикаси Халқ депутатлари Навоий шаҳар Кенгашини ...

Шаҳар ҳокимининг қарори

НАВОИЙ ШАҲАР ҲОКИМИНИНГ ҚАРОРИ

Davlat boshqaruv organlari rasmiy saytlari

Mashhur maqolalar

БЎШ ИШ ЎРИНЛАРИ – СИЗНИ КУТМОҚДА!
Навоий шаҳар аҳоли бандлигига кўмаклашиш марказининг маълумотларига кўра, ноябрь ойи
БИЗНЕС ВАКИЛЛАРИ БИЛАН ДОИМИЙ МУЛОҚОТ ТИЗИМИ ЎЗИН ...
Бугунги кунда Навоий шаҳрида 4 352 та юридик шахс рўйхатдан ўтказилган
“'САЙЛОВ-2019” – НАВОИЙ ШАҲРИДАГИ САЙЛОВЧИЛАР С ...
Хабарингиз бор, жорий йилнинг 22 декабрь куни юртимизда Олий Мажлис ва Халқ депутатлари
НАВОИЙ ШАҲАР ҲОКИМИ М.М.БАЗАРОВНИНГ ТАДБИРК ...
Ассалому алайкум азиз тадбиркорлар, кичик бизнес вакиллари!
ХУШХАБАР: МЕГАКЎПРИККА МЕТАЛЛКОНСТРУКЦИЯ ЎРНАТИШ ИШЛАР ...
Навоий шаҳридаги Марказий деҳқон бозори чорраҳасида бунёд этилаётган