Navoiy shahar hokimligi rasmiy sayti > Maqolani chop etish > НАВОИЙ ШАҲРИДА ЭНДИЛИКДА “КЎЧМА БОЗОР”ЛАР ҲАР КУНИ ТАШКИЛ ЭТИЛАДИ
Bosh sahifa > Navoiy shahri > НАВОИЙ ШАҲРИДА ЭНДИЛИКДА “КЎЧМА БОЗОР”ЛАР ҲАР КУНИ ТАШКИЛ ЭТИЛАДИ

НАВОИЙ ШАҲРИДА ЭНДИЛИКДА “КЎЧМА БОЗОР”ЛАР ҲАР КУНИ ТАШКИЛ ЭТИЛАДИ


15-04-2020, 14:36. Muallif: deputat

Бугун Навоий шаҳар ҳокимлиги ташаббуси билан "Саховат” бозори масъулияти чекланган жамияти ҳамкорлигида намунали "Кўчма бозор”лар фаолияти йўлга қўйилди.

Навоий шаҳридаги 31 та маҳалла фуқаролар йиғинларининг ҳар бирига алоҳида махсус тарғибот воситалари ўрнатилган биттадан "Дамас” автомашиналари ажратилиб, улар дезинфекция қилингандан сўнг белгиланган ҳудудларга йўлга отланишди.

Махсус машиналарнинг ҳар бирига 30 турга яқин қишлоқ хўжалиги ва озиқ-овқат маҳсулотлари жамланди. Шунингдек, "Кўчма бозор” орқали аҳоли эҳтиёжи учун зарур бўлган гўшт маҳсулотлари сотуви ҳам йўлга қўйилди.

— "Кўчма бозор”лар фаолияти йўлга қўйилишидан кўзланган асосий мақсад шаҳримиз аҳолисини арзонлаштирилган бирламчи озиқ-овқат маҳсулотлари билан таъминлашга қаратилган. Қолаверса, коронавирус пандемияси тарқалишининг олдини олиш ва карантин қоидаларига қатъий риоя қилиш учун уларнинг уйда бўлиб, ўз ҳудудларидан савдо қилишларига қулай имконият яратиш ҳамда деҳқон бозорларида фуқаролар гавжумлигининг олдини олиш кўзда тутилган, — дейди Навоий шаҳар ҳокимининг биринчи ўринбосари Диёр Элмуродов.

Таъкидлаш жоиз, эндиликда "Кўчма бозор”лар шаҳар маҳаллалари ҳудудлари бўйича ҳар куни ташкил этилади.
НАВОИЙ ШАҲРИДА ЭНДИЛИКДА “КЎЧМА БОЗОР”ЛАР  ҲАР КУНИ ТАШКИЛ ЭТИЛАДИ

Навоий шаҳар ҳокимлиги Ахборот хизмати:@Navoiy_shahar_axborot_xizmat


Ortga qaytish