СЕССИЯ ИШИДА МУҲИМ МАСАЛАЛАР МУҲОКАМА ЭТИЛДИ

Бугун халқ депутатлари Навоий шаҳар Кенгашининг навбатдаги тўртинчи сессияси бўлиб ўтди.

Сессияни шаҳар ҳокими, Кенгаш раиси М.Базаров бошқарди.

Сессия ишида дастлаб Президентимизнинг жорий йил 14 апрель куни бўлиб ўтган видеоселектор йиғилишида озиқ-овқат хавфсизлигини таъминлаш ва қишлоқ хўжалиги маҳсулотларини етиштириш ҳамда қайта ишлаш ҳажмини икки бараварга ошириш бўйича амалга оширилиши зарур бўлган чора-тадбирлар юзасидан сектор раҳбарларининг ҳисоботи тингланди.

Шунингдек, сессияда коронавирус инфекцияси тарқалишига қарши курашиш, аҳолига бирламчи тиббий-санитария ёрдами кўрсатилиши, унинг ўз вақтида ва юқори сифатли бўлишини ташкиллаштириш ҳамда табиатни муҳофаза қилишни таъминлашнинг иқтисодий механзмларини янада такомиллаштириш бўйича шаҳарда амалга оширилаётган ишлар атрофлича муҳокама этилди.

Сессияда кун тартибида кўриб чиқилган масалалар юзасидан тегишли қарорлар қабул қилинди.

Навоий шаҳар ҳокимлиги Ахборот хизмати:@Navoiy_shahar_axborot_xizmat