РАСМИЙ МУНОСАБАТ: МУАММОЛАР ҚИСҚА ФУРСАТДА БАРТАРАФ ЭТИЛДИ

Куни кеча ижтимоий тармоқларда Навоий шаҳар Зарапетян кўчаси, 13-умумий ўрта таълим мактаби атрофида йиғилиб қолган чиқиндиларни ўзида ифода этган видеомурожаат тарқалди.

Мазкур ҳолат Навоий шаҳар ҳокимлиги томонидан назоратга олиниб, тегишли масъуллар иштирокида қисқа фурсатда бартараф этилди. Шаҳар ободонлаштириш бошқармаси ходимлари томонидан чиқиндилар махсус техникага ортилиб, тегишли жойга олиб кетилди.

Аввало, шаҳарни ободлиги ва тозалигини таъминлаш ҳар биримизга боғлиқ.  Шу боис, ҳамиша чиқиндиларни белгиланган жойга ташлайлик. Зеро, биргаликда катта кучмиз.

Навоий шаҳар ҳокимлиги Ахборот хизмати:@Navoiy_shahar_axborot_xizmat