ЙИҒИЛИШ КУН ТАРТИБИДА КОРОНАВИРУС ИНФЕКЦИЯСИ ТАРҚАЛИШИНИНГ ОЛДИНИ ОЛИШ МАСАЛАСИ МУҲОКАМА ЭТИЛДИ

Навоий шаҳар ҳудудида касалликни юқтириб олиш эҳтимолини чегаралаш, касаллик аниқланган ҳудудларни тезкорлик билан карантинга олиш ишлари ҳамда қулай санитария-эпидемиологик осойишталикни таъминлаш ва аҳоли саломатлигини муҳофаза қилиш масаласига бағишланган йиғилиш бўлиб ўтди.

Шаҳар ҳудудида коронавирус инфекцияси тарқалишининг олдини олиш юзасидан ўтказилган йиғилишни шаҳар коронавирус пандемиясига қарши кураш бўйича мувофиқлаштирувчи штаб раиси М.Базаров бошқариб борди.

Вилоят Миллий гвардия бошқармаси масъуллари, ҳоким ўринбосарлари, сектор раҳбарлари, тегишли ташкилот ва муассасалар раҳбарлари иштирок этган йиғилишда Республика Ички ишлар вазирлиги масъул ходими Н.Султонов иштирок этди ва инфекцияга қарши қаратилган чораларни кучайтириш бўйича ишларни жадаллаштириш лозимлиги таъкидлади.

Йиғилишда кун тартибидаги масала юзасидан тегишли масъулларга топшириқ ва кўрсатмалар берилди.

@Navoiy_shahar_axborot_xizmat