РАСМИЙ МУНОСАБАТ: ЁТОҚХОНАДА РЕЖАГА АСОСАН ТАЪМИРЛАШ ИШЛАРИ АМАЛГА ОШИРИЛАДИ

Бугун ижтимоий тармоқларда Навоий шаҳар, Ибн Сино кўчасидаги 3-сонли  ётоқхона залининг таъмирталаб ҳолатга келиб қолганини ўзида ифода этган видеомурожаат тарқалди.

Видеомурожаатда акс этган ушбу ҳолат Навоий шаҳар ҳокимлиги ҳамда шаҳар Ётоқхоналардан фойдаланиш бошқармаси масъуллари томонидан атрофлича ўрганиб чиқилди ва алоҳида назоратга олинди.

Таъкидлаш жоизки, 3-сонли ётоқхонадаги мазкур зални таъмирлаш Ётоқхоналардан фойдаланиш бошқармасининг режасига киритилган. 

Мазкур режага асосан, тез орада ички иқтисодий имкониятлардан келиб чиқиб, ушбу таъмирга муҳтож жойларда бунёдкорлик ишлари амалга оширилади.

Навоий шаҳар ҳокимлиги Ахборот хизмати:@Navoiy_shahar_axborot_xizmat