НАВОИЙ ШАҲРИДА “ЁШЛАР ВА АЁЛЛАР ДАФТАРИ”НИ МУВОФИҚЛАШТИРУВЧИ ШАҲАР ШТАБИ ФАОЛИЯТИНИ БОШЛАДИ

Навоий шаҳар ҳокимлигида "Ёшлар ва аёллар дафтари”ни мувофиқлаштирувчи Навоий шаҳар штаби ташкил этилди.  

Бугун Навоий шаҳридаги 1-сектор ҳудудидаги 2-умумтаълим мактабида штаб аъзолари ҳамда тегишли масъуллар иштирокида йиғилиш ўтказилди.

Йиғилишда мазкур йўналишда олиб борилаётган ишларни мувофиқлаштириш юзасидан ишчи гуруҳ аъзоларига топшириқ ва кўрсатмалар берилди.

Таъкидлаш жоизки, "Ёшлар дафтари”га ҳар бир сектор ҳудуди кесимида истиқомат қилаётган, 18 ёшга тўлган ва 30 ёшдан ошмаган, "Аёллар дафтари”га эса 30 ёшдан ошган ижтимоий, ҳуқуқий, психологик қўллаб-қувватлашга, билим ва касб ўрганишга,  бандлигини таъминлашга эҳтиёжи ва иштиёқи бор бўлган ишсиз ёшлар ва хотин-қизлар киритилади.

Йиғилишда, уйма-уй юриш орқали ёшлар ва аёллар билан бирма-бир мулоқот қилиб, уларнинг эхтиёжларини, қизиқишларини аниқлаб, бу борада анкета сўровномасида қайд этиб боришлари юзасидан аниқ йўналишлар белгилаб берилди.