НАВОИЙ ШАҲРИДА “ЁШЛАР ЭКО БОҒИ” ФАОЛИЯТИНИ БОШЛАДИ

Бугун Навоий шаҳридаги "Орзу” маҳалла фуқаролар йиғинида халқ депутатлари Навоий шаҳар Кенгаши депутати, тадбиркор Суръат Шарипов ташаббуси билан "Ёшлар эко боғи”нинг ўз фаолиятини бошлади.

Давлатимиз раҳбари томонидан ёшларнинг маънавиятини юксалтириш, уларнинг бўш вақтини мазмунли ташкил этиш мақсадида илгари сурилган "5 муҳим ташаббус” бугун келажагимиз эгаларини ҳар томонлама баркамол этиб тарбиялашда муҳим ўрин тутмоқда.

Тадбиркор томонидан бунёд этилган мазкур маънавий маскан ҳам айнан шу мақсадларни қамраб олганлиги билан ниҳоятда аҳамиятли.

 Масканнинг очилиш маросимида иштирок этганлар бу мўъжаз мажмуа маҳалла ёшлари учун муносиб туҳфа бўлганлигини эътироф этишди.

"Ёшлар эко боғи”да навқирон авлод вакиллари шуғулланиши, вақтларини мазмунли ўтказиши учун барча қулайликлар яратилган.

Навоий шаҳар ҳокимлиги Ахборот хизмати:

@Navoiy_shahar_axborot_xizmat