Navoiy shahar hokimligi rasmiy sayti > Maqolani chop etish > ИСТИҚБОЛЛИ РЕЖАЛАР БИЛАН КЕЛАЖАК САРИ
Bosh sahifa > Navoiy shahri, Yangiliklar > ИСТИҚБОЛЛИ РЕЖАЛАР БИЛАН КЕЛАЖАК САРИ

ИСТИҚБОЛЛИ РЕЖАЛАР БИЛАН КЕЛАЖАК САРИ


19-06-2015, 18:34. Muallif: deputat
Навоий давлат кончилик институти ҳузуридаги 2-сонли академик лицейда "Ёш тадбиркор – юртга мададкор” лойиҳасининг шаҳар босқичи бўлиб ўтди. "Камолот” ЁИҲ вилоят Кенгаши қошидаги "Ёш тадбиркор” консультатив маркази, Ўзбекистон Савдо-саноат палатаси Навоий вилоят ҳудудий бошқармаси, тижорат банклари ҳамда "Камолот” ЁИҲ шаҳар Кенгаши ҳамкорлигида ташкил этилган лойиҳада 18 ёшдан 30 ёшгача бўлган йигит-қизлар ўз бизнес-режалари билан қатнашди. Мен келгусида резина плиткалар ишлаб чиқаришга ихтисослашган корхона ташкил этмоқчиман, – дейди ўз бизнес-режаси тўғрисида Нодиржон Раҳматов. Унинг фаолиятини йўлга қўйиш учун банкдан 50 миллион сўм миқдорида кредит олмоқчиман. Бизнес-режам амалга ошса, дастлаб 6 нафар киши иш билан таъминланади. Кейинчалик фаолиятимни ривожлантириб, бошқа турдаги қурилиш материаллари ишлаб чиқаришни ҳам режалаштираяпман. Бунинг учун мамлакатимизда барча шароит ва имкониятлар мавжуд. Дарҳақиқат, Президентимиз раҳнамолигида юртимизда кичик бизнес ва хусусий тадбиркорлик соҳасини ривожлантиришга катта эътибор қаратилаётгани халқимиз учун яна бир имконият демакдир. Бундан оқилона фойдаланаётган Нодиржон каби минглаб ёшлар ғайрат-шижоату юксак мақсадлар билан ўз тадбиркорлик фаолиятини бошлашга аҳд қилишган. Энг асосийси, мамлакатимиз равнақига, иқтисодиётимиз тараққиётига муносиб ҳисса қўшишга бел боғлаган, келажак сари дадил интилаётган бу илғор ёшларнинг саъй-ҳаракатлари давлатимиз томонидан кенг қўллаб-қувватланмоқда. Лойиҳанинг ушбу босқичида энг яхши ва истиқболли бизнес-режаларини тақдим этган 10 нафар ёшлар саралаб олинди. Улар вилоят босқичида иштирок этиш ҳуқуқини қўлга киритди.

Ortga qaytish