Bosh sahifa > Navoiy shahri, Yangiliklar > Байрамолди ярмарка давом этмоқда
Байрамолди ярмарка давом этмоқда27-12-2016, 16:31. Muallif: deputat |
Янги йил байрамини кўтаринки руҳда нишонлаш ва аҳоли дастурхони тўкинлигини таъминлаш мақсадида вилоятимизда байрамолди қишлоқ хўжалик ва
озиқ-овқат маҳсулотлари ярмаркалари ўтказилмоқда. Барча шаҳар ва туманлар марказида ташкил этилган байрам ярмаркалари, турли ўйинчоқлар билан безатилган арчалар барчага хушкайфият улашмоқда. 30 дан ортиқ қайта ишлаш корхоналари, кичик бизнес ва хусусий тадбиркорлик субъектлари, чорвачилик, паррандачилик, балиқчилик ҳамда асаларичиликка ихтисослашган хўжаликлар ўз маҳсулотлари билан иштирок этаётган ярмаркаларда заминимизда етиштирилган озиқ-овқат ва қишлоқ хўжалиги маҳсулотлари харидорларга таклиф этилаётир. Навоий шаҳри марказида ташкил этилган, 120 метр узунликда жойлашган қишлоқ хўжалиги маҳсулотлари ҳамда бошқа турдаги озиқ-овқат маҳсулотлари ярмаркасида аҳолига сифатли хизмат кўрсатиш учун барча қулайлик яратилган. 15 декабрдан 5 январгача бўлиб ўтаётган ярмаркада тўловни нақд пулсиз амалга ошириш учун терминаллар ўрнатилган. Тоза ва озода расталарда турли ноз-неъматлар, гўшт, тухум, сут ва сут маҳсулотлари, нон ва нон маҳсулотлари, ширинликлар арзон нархларда сотилмоқда. Ярмаркага фермер ва деҳқон хўжаликлари томонидан сифатли маҳсулотлар пешма-пеш етказиб берилмоқда.
Сирож АСЛОНОВ.
Муаллиф олган сурат.
Ortga qaytish |