Мустақиллик Ўзбекистон спортининг гуллаб-яшнаган даври бўлди десак, муболаға эмас. Ўтган йиллар ичида спортга, айниқса, болалар спортига бўлган улкан эътибор ва ғамхўрлик истеъдодли йигит-қизларимизнинг жаҳон ареналарида катта ғалабаларга эришишларига замин бўлди. Буни шаҳримиз ёшлари мисолида ҳам кўришимиз мумкин. Жорий йилнинг саккиз ойи давомида шаҳар бўйича 51 нафар ёш спортчилар халқаро турнир ва чемпионатларда иштирок этиб, 27 таси 1-, 2- ҳамда 3-ўринларни эгаллаган бўлса, 500 га яқин ёшлар Ўзбекистон чемпионати ва кубокларида қатнашиб, 409 нафари совринли ўринларни эгаллади. Бу, шубҳасиз, она Ватанимиз мустақиллигининг 23 йиллик байрамига шаҳримиз ёшларининг муносиб совғасидир. Шунингдек, жорий йилда шаҳримиздаги 2-Болалар ва ўсмирлар спорт мактабининг олимпия захираларига ихтисослаштирилган болалар ва ўсмирлар спорт мактабига айлантирилганлиги ҳам спортсевар ёшларимиз учун айни муддао бўлди. Албатта, юртбошимизнинг ёшларимизга кўрсатаётган бундай чексиз ғамхўрликлари келажакда бундан-да улкан самараларни беради. Озод ва обод Ватанимизнинг мана шундай улкан марралари барчамизни бирдек қувонтираверсин!