НАВОИЙ ШАҲАР ДАВЛАТ СОЛИҚ ИНСПЕКСИЯСИ БОШЛИҒИНИНГ

2022 ЙИЛ АПРЕЛ ОЙИ ЯКУНИ БЎЙИЧА ҲИСОБОТИ ВА

ТАДБИРКОРЛАРГА МУРОЖААТИ

Бугунги кунда "Солиқчи-кўмакчи” тамойили асосида давлат солиқ хизмати органлари томонидан тадбиркорлар ҳузурига борган ҳолда уларнинг муаммоларини ўрганиб, ижобий ҳал этишга алоҳида эътибор қаратилмоқда.

Хусусан, 2022 йилнинг апрел ойи давомида Навоий шаҳрида 73та корхоналарнинг муаммолари батафсил ўрганилди. Натижада, солиқ хизмати органлари ходимлари кўмаги билан 17та муаммолар ижобий ҳал этилди. Бугунги кунда бошқа ташкилотлар билан боғлиқ масалалар қатъий назоратга олиниб, ҳамкорликда ҳал этиш чоралари кўрилмоқда.

Шунингдек, ўрганишлар давомида солиқ турлари бўйича 67та субъектларнинг 981,7млн сўм мавжуд ортиқча тўлов суммаси қайтариб берилди.

Таъкидлаш ўринлики, бугунги кунда солиқ тўловчиларга қулайликлар яратиш мақсадида электрон хизматлар кўрсатиш кўламининг янада кенгайтирилаётгани муҳим омил бўлмоқда. Масалан, бугунги кунга қадар вилоятда "E-ijara” автоматлаштирилган дастурий маҳсулоти орқали 7536та шартномалар рўйхатга олинган.

Дарҳақиқат, Президентимиз таъкидлаганларидек, солиқ тўловчиларга ҳақиқий маънода кўмакчи, ўргатувчи бўлиш солиқ органларининг бош вазифасига айланмоқда.

Масалан, солиқ юки ва турларининг камайтирилганлиги тўғрисида тадбиркорлар ўртасида олиб борилаётган тушунтириш-тарғибот ишлари натижасида 1251та норасмий иш ўринлари қонунийлаштирилди. Муҳими, фуқаролар муқим иш ўринларига эга бўлди.

Айниқса, турли сабаблар билан фаолияти вақтинча тўхтаб қолган тадбиркорлик субъектларини ҳар томонлама қўллаб-қувватлаш, улар фаолиятини тиклаш борасида жорий йилнинг апрел ойи давомида самарали ишлар амалга оширилди. Жумладан, ана шундай 41та корхонанинг фаолияти тикланди. Натижада,63та янги иш ўринлари яратилиб, давлат бюджетига 15,1 млн сўм солиқлар тушишига эришилди. Эътиборлиси, мазкур тадбиркорлик субъектлари иш бошлаши билан уларга қўлланилган таъсирчан солиқ механизмлари бекор қилиниб, қарийб 377,7 сўмлик маблағ улар ихтиёрида қолдирилди.

Бугунги кунда қўлида ҳунари бор ёки уйда якка тартибда маълум фаолият билан шуғулланиб келаётган фуқароларимиз талайгина. Уларнинг ўзини ўзи банд қилиши, иш стажига эга бўлиши учун солиқ хизмати органлари томонидан доимий кўмак кўрсатиб келинмоқда. Жумладан, жорий йилнинг апрел ойи якуни билан Навоий шаҳрида 1810 нафар фуқаролар ўзини ўзи банд қилиш тизими орқали рўйхатдан ўтиб, муайян фаолият турлари билан мунтазам шуғулланиб келмоқда. Энг муҳими, уларнинг 815 нафарини 30 ёшгача бўлган ёшлар ташкил этади.

Ҳурматли солиқ тўловчилар!

Биз солиқ хизмати органлари ходимлари сизларнинг муаммоларингиз қонуний ҳал этиш, фаолиятингиз давомида юзага келган барча тушунмовчиликларга ечим топишда доимий кўмак беришга тайёрмиз.