САЙЛОВГА ТАЙЁРГАРЛИК ҚИЗҒИН ДАВОМ ЭТАЯПТИ

Навоий шаҳрида жорий йилнинг 21 декабрида Ўзбекистон Республикаси Олий Мажлиси Қонунчилик палатасига, вилоят, туман ва шаҳар Кенгашларига бўладиган сайловларга қизғин тайёргарлик ишлари давом этмоқда.

Бугунги кунда ҳомийлар, ишбилармонлар, корхона, ташкилот ва муассасаларнинг сайъи-ҳаракатлари билан сайлов округлари ва участкалари жиҳозланиб, сайловга оид ёзувлар ва бошқа зарур стендлар билан таъминланишига эришилди.

Марказий сайлов комиссияси томонидан округ ва участкаларга сайловга оид  барча қонунлар етказилиб берилди. Шунингдек сайловга оид чақирув плакатлари аҳоли гавжум бўлган, кўринадиган жойларга жойлаштирилди.

Сайловга тайёргарлик кўришда округ ва участкалар учун, тиббиёт ва она бола   хоналари ажратилиб, уларни жиҳозланишида шаҳардаги 2-сонли, 10 ва 16 сонли умумтаълим мактабларининг раҳбарлари алоҳида жонбозлик кўрсатдилар.

Сайлов округи ва участкаларини сайловга тайёрлашни Навоий машинасозлик заводи, “Қизилқумцемент” АЖ, “Навоийазот” АЖ, “Навоийавтойўл” АЖ, НКМК 27-тиббий санитария қисми биринчилардан бўлиб амалга оширдилар.

Ўзбекистон Республикаси Олий Мажлиси Қонунчилик палатасига сайлов ўтказувчи 34-Навоий округ сайлов комиссиясининг 5 ноябрдаги қарори билан тузилган участка сайлов комиссиялари ўзларининг биринчи йиғилишларини ўтказиб, иш режа, вазифалар тақсимоти ва навбатчилик рўйхатини белгилаб, шу асосда ишни давом эттирмоқдалар.

Айни кунда маҳалла фуқаролар йиғинлари томонидан сайловчилар рўйхатлари шакллантирилиб, белгиланган тартибда участка сайлов комиссияларига тақдим этиш чоралари кўрилмоқда.