Бугун юртимизнинг барча ҳудудларида ҳар қачонгидан кўпроқ меҳр-мурувват тадбирлари ўтказилмоқда. Негаки, бунинг учун барча имкониятлар мавжуд, фақат ҳар бир кун ҳикматини тўғри англаб етсак бўлгани...

БОЛАЖОНЛАР КЎЗЛАРИДА НУР

Муҳим сана муносабати билан шаҳардаги 16-кўп ихтисосли махсус давлат мактабгача таълим муассасаси биноси эрталабдан меҳмонлар билан гавжум бўлди. Улар бу масканда тарбияланаётган 52 нафар болажонларга турли ўйинчоқлар, ширинликлар олиб келишди. Айниқса, “Қизилқумцемент” АЖ, Навоий давлат педагогика институти, Навоий маданият ва саънат коллежи жамоалари ҳамда тадбиркорлар томонидан болажонларга бир олам қувонч улашилди.

Шу муносабат билан шаҳар ҳокимлиги томонидан муассасанинг “Пахтаой” гуруҳига телевизор совға қилинди. Уни ҳоким ўринбосари, хотин-қизлар қўмитаси раиси Баҳора Ҳамдамова топширди. Шунингдек, бу ерда меҳнат қилаётган 60 нафар жонкуяр мутахассислар меҳнатлари алоҳида эътироф этилиб, уларга миннатдорчилик билдирилди.

Шавқиддин ШОДМОНОВ