Navoiy shahar hokimligi rasmiy sayti > Maqolani chop etish > «ОСИЁ ЎЙИНЛАРИ-2014»: ЁРҚИН ҒАЛАБАЛАР ВА ЮТУҚЛАР
Bosh sahifa > Yangiliklar > «ОСИЁ ЎЙИНЛАРИ-2014»: ЁРҚИН ҒАЛАБАЛАР ВА ЮТУҚЛАР

«ОСИЁ ЎЙИНЛАРИ-2014»: ЁРҚИН ҒАЛАБАЛАР ВА ЮТУҚЛАР


10-10-2014, 18:52. Muallif: deputat
«ОСИЁ ЎЙИНЛАРИ-2014»: ЁРҚИН ҒАЛАБАЛАР ВА ЮТУҚЛАР
Ҳаяжонли лаҳзалар ортда қолди. Спортчиларимиз XVII ёзги Осиё ўйинларида нималарга қодир эканликларини кўрсатишди. 2014 йилнинг 19 сентябрь-4 октябрь кунлари Жанубий Кореянинг Инчеон шаҳрида ўтказилган мусобақада қитъанинг 45 давлатидан келган энг сара спортчилар 36 спорт тури бўйича 439 та медаллар жамланмаси учун ўзаро баҳслашдилар. Бекзод Абдураҳмонов, Жасур Бойқўзиев, Светлана Радзивил… Хуллас, мусобақа давомида 9 бор Ватанимиз байроғи баланд кўтарилиб, мадҳиямиз янгради. 
Ватанимиз шарафини 291 нафар вакилларимиз спортнинг 32 турида ҳимоя қилди. Якунга кўра, терма жамоамиз умумжамоа ҳисобида 11-ўринни эгаллади. Улар 9 та олтин, 14 та кумуш ва 21 та бронза медалини қўлга киритишди. 
«ОСИЁ ЎЙИНЛАРИ-2014»: ЁРҚИН ҒАЛАБАЛАР ВА ЮТУҚЛАР
Ғолиблик эса 151 та олтин, 108 та кумуш ва 83 та бронза медалини қўлга киритган Хитой терма жамоасига насиб қилди. Жанубий Корея терма жамоаси 79 олтин, 71 кумуш ва 84 та бронза билан иккинчи ўринни эгаллаган. Учинчи ўриндаги Япония ҳисобида 47 та олтин, 76 та кумуш ва 77 та бронза медали бор.
Шу тариқа, олти маротаба ёзги Осиё ўйинларида иштирок этган 1239 нафар спортчимиз 63 та олтин, 96 та кумуш ва 114 та бронза, жами 273 та медалга сазовор бўлишди.

Ortga qaytish