САЙЛОВДА ҚАТНАШИШГА РУХСАТ БЕРИЛДИ

Халқ депутатлари Навоий шаҳар Кенгашига сайлов ўтказувчи шаҳар сайлов комиссиясининг йиғилиши бўлиб ўтди. 

Унда Ўзбекистон Республикасининг “Халқ депутатлари вилоят, туман ва шаҳар Кенгашларига сайлов тўғрисида”ги Қонунининг 21-моддасига кўра, мавжуд сиёсий партияларнинг Халқ депутатлари шаҳар Кенгашига бўлиб ўтадиган сайловда иштирок этиш учун тақдим этган ариза ва бошқа ҳужжатлари кўриб чиқилди.

Шаҳар сайлов комиссиясининг қарорига асосан, Ўзбе­кистон “Адолат” социал-демократик партияси, Ўзбекистон Либерал-демократик партияси, Ўзбекистон “Миллий тикланиш” демократик партияси ва Ўзбекистон Халқ-демократик партияси шаҳар Кенгашларининг сайловда иштирок этишларига ижозат берилди.

Ўз мухбиримиз.