"ҚИЗИЛҚУМ"ДА БАЙРАМОЛДИ ТАДБИРИ

“Қизилқумцемент” акциядорлик жамиятида Ўзбекистон Республикаси Конс­титуцияси қабул қилинганлигининг 22 йиллиги муносабати билан маънавий-маърифий маросим бўлиб ўтди.

Тадбир қатнашчилари Навоий давлат педагогика институти маънавият ва ахлоқий тарбия бўлими бошлиғи Шавкат Раҳматов ҳамда шаҳар ФҲДЁ бўлими мудираси, ҳуқуқшунос Манзура Қўлдошеваларнинг Ўзбекистон Республикаси Конституциясининг мазмун-моҳияти ва аҳамияти мавзуидаги маърузаларини тинглашди.

Ёш санъаткорлар томонидан ижро этилган куй-қўшиқ ва рақслар барчага манзур бўлди.