ЮРТ КЕЛАЖАГИ УЧУН ОВОЗ БЕРИНГ

ЮРТ КЕЛАЖАГИ УЧУН ОВОЗ БЕРИНГ

 

Азиз навоийликлар! Ҳурматли ота-оналар ва келажагимиз бўлган ёшлар!

Дунёда юрт кўп, чаман кўп. Халқ кўп, элат кўп. Лекин Оллоҳ ер юзидан бизга шундай гўзал ва бетакрор жойни ато этганки, унинг ҳар бир қарич ери мўътабардир. Аждодларимиз маънавий мероси эса дунёга кўз-кўз этгулик. Бугун тинчлик ва фаравонликда гуллаб яшнаётган жаннатмакон юртимизда бахтиёрлик даври ҳукм сурмоқда. Шундай озод ва обод юртда яшаш, унинг равнақи, фаравонлиги ҳамда юксалиши учун бефарқ бўлмаслик ҳар биримизнинг бурчимиздир.

Яқинда 21 декабрь куни Олий Мажлис Қонунчилик палатаси ҳамда Халқ депутатлари маҳаллий Кенгашларга бўладиган сайлов бевосита мамлакатимизнинг эртанги равнақи учун катта аҳамиятга эга. Шу Ватаннинг фарзандиман, “Юртим келажаги – менинг келажагим”- деб ҳисоблайдиган барча сайловчи шу куни келажагимизни белгилашда муҳим ўрин тутадиган ушбу сиёсий тадбирда фаол иштирок этиши лозим.

Муҳтарам дўстлар! Ҳурматли сайловчилар! Бугун юртимизда барча сайлов участкаларида мазкур сайловни демократик ва очиқ ўтказиш учун ҳамма шароитлар яратилди. Сайлов участкаларининг эшиклари эрта тонгдан Сиз учун очиқ. Келинг, 21 декабрь куни фуқаролик бурчингизни ўтаб, ҳар бирингиз ўзингиз муносиб деб топган номзодларга овоз беринг. Билингки, Сизнинг овозингиз ҳал қилувчи кучга эга.

Шуҳрат ХАЛИЛОВ

Навоий шаҳар сайлов комиссияси раиси