ГИЁҲВАНДЛИК – УМР ЗАВОЛИ

Биргина Навоий шаҳар ички ишлар ходимлари томонидан шаҳар ҳудудида гиёҳвандлик воситалари ва психотроп моддалар тарқалишининг олдини олиш борасида ўтказилаётган тадбирлар ҳам шулар жумласидандир. 

Жорий йил бошидан Навоий вилоят ва шаҳар ИИБ бош­лиқларининг "Ёшлар ора­­сида гиёҳвандлик воси­та­ларини тарқалишига қар­ши курашиш ойлиги” дои­ра­­сида тезкор-профилактик тадбирларини ўтказиш юзасидан тегишли фармойи­ши чиқарилиб, шу асосида шаҳар ҳудудидаги барча олий ўқув юртлари, коллеж, мактаб ва лицейларда "Ёшлар орасида наркотик моддаларни тарқалишига қарши кураш” ҳамда "Гиёҳвандлик – аср вабоси” мавзуларида профилактик тадбирлар ташкил этилди. Ушбу жараёнда ёшлар билан очиқ мулоқотлар, суҳбатлар уюштирилиб, улар эътиборига огоҳликка ундовчи "Умр заволи” номли ҳужжатли фильм намойиш этилди.

Бундан ташқари, ҳудудда 1 майдан 30 июнга қадар кенг қамровли "Қорадори – 2017” тадбирларининг биринчи босқичи бўлиб ўтди. Ушбу тадбирлар давомида Навоий шаҳри ҳудудида наркотик воситалар билан боғлиқ 23 та қонунбузилиш ҳолатлари аниқланиб, жиноятчилардан 234 грамм 760 миллиграмм наркотик воситалари далилий ашё сифатида олингани барчамизни янада сергак ва огоҳ бўлишга ундайди.

Жумладан, "Қорадори – 2017” тадбири давомида шундай қонунбузарлик ҳо­ла­ти­ни содир этган Қизилтепа туманида яшовчи М.З. қо­нунга хилоф равишда 80 грамм оғирликдаги марихуана гиёҳвандлик моддасини шаҳримиздаги вилоят ҳокимлиги биноси рўпарасида жойлашган автобекатда Нурота туманида яшовчи С.Ж. номли фуқарога сотаётганлиги аниқланиб, ашёвий далиллар холислар иштирокида олинди. Шунингдек, шаҳардаги Ўзбе­кис­тон маҳалласида яшовчи К.Н. нинг хонадони гумонланиб текширилганда, у жиноий шериклари билан бирга қўлбола усулда тайёрланган гиёҳвандлик моддасини тайёрлаб, истеъмол қилиб келаётганлиги аниқланди. Ушбу ҳолатлар юзасидан Ўзбекистон Респуб­ликаси Жиноят кодексининг тегишли моддалари асосида жиноят иши қўзғатилган.

Албатта, юқоридаги ҳо­лат­лар оилаларда ота-оналарни, таълим муассасаларида педагог ходимларни, умуман, барча-барчамизни янада сергак, ёшлар тарбиясига масъулиятли ва эътиборли бўлишга ундайди.