Бугун халқ депутатлари Навоий шаҳар Кенгашининг  навбатдаги саккизинчи сессияси бўлиб ўтди.

Сессия ишини Навоий шаҳар ҳокими - Кенгаш раиси М.Базаров бошқариб борди.

Сессия кун тартибида дастлаб Навоий шаҳар тиббиёт бирлашмаси бошлиғининг карантин тартиблари босқичма-босқич юмшатиб борилиши муносабати билан фуқаролар санитария талабларига қатъий риоя этишлари зарурлиги, аҳолига бирламчи тиббий-санитария ёрдамининг ўз вақтида ва сифатли кўрсатилиши юзасидан мурожаати тингланди.

Шунингдек, сессия ишида Ўзбекистон Республикаси Олий Мажлиси Сенати Кенгашининг 2020 йил 13 июлдаги КҚ-104-IV-сонли қарорига асосан Навоий шаҳар судлари томонидан суднинг фуқаролар ҳуқуқлари ва эркинликларини, шунингдек корхоналар, муассасалар ва ташкилотларнинг ҳуқуқлари ҳамда қонун билан қўриқланадиган манфаатларини суд йўли билан ҳимоя қилишни амалга оширишга доир фаолияти тўғрисидаги масала кўриб чиқилди.

Навоий шаҳар ҳокимлиги Ахборот хизмати