Жорий йилнинг 15 мар куни Фуқароларнинг ўзини ўзи бошқариш органлари фаолиятини мувофиқлаштириш бўйича Навоий шаҳар кенгашининг ташкилий йиғилиши бўлиб ўтди.
Унда "Хаёт” маҳалла фуқаролар йиғини раиси Мавлонов Мирсаит Муҳтарам Президентимиз Шавкат Миромонович Мирзиёевнинг 2017 йил 3 февралдаги "Маҳалла институтини янада такомиллаштириш чора-тадбирлари тўғрисида”ги ПФ-4944-сонли Фармонлари билан фуқаролар ўзини ўзи бошқариш органларининг маҳаллий аҳамиятга молик масалаларни самарали ҳал қилишдаги ролини янада ошириш, фуқаролар йиғинларининг муштарак манфаатларини ифода этадиган уюшмага бирлашиш ҳуқуқини рўёбга чиқариш, уларнинг моддий-техника базасини мустаҳкамлаш ҳамда давлат органлари ва фуқаролик жамияти институтлари билан ўзаро ҳамкорлигини янада ривожлантиришга қаратилган ташкилий-ҳуқуқий чора-тадбирларни белгилаб берилганини таъкидлади.
Кенгашда:

Фуқароларнинг ўзини ўзи бошқариш органлари фаолиятини мувофиқлаштириш бўйича Навоий шаҳар кенгаши раиси ўринбосари Пирназаров Аҳрор Болиевичнинг номзоди илгари сурилди.

–ёшлар ишлари бўйича ўринбосари лавозимига Норов Шухрат Сувонович номзоди,

–диний-маърифий масалалар бўйича ўринбосари лавозимига Наврузов Эркин Эргашевич номзоди,

–кексалар ва фахрийлар ишлари бўйича ўринбосари лавозимига Сувонқулов Эшқувват Рустамович номзоди,

–Кенгаш котиби – шаҳар кенгаши ижро аппаратидаги ташкилий-услубий гуруҳи бош мутахассиси лавозимига Нодир Раззоқов Гаффарович номзоди таклиф этилди ва бир овоздан тасдиқланди.