ЧЕТ ЭЛ ИНВЕСТОРЛАРИ ЯНГИ БИЗНЕС ЛОЙИҲАЛАРИ БИЛАН

Ҳукуматимиз томонидан хорижий инвесторлар учун яратилган имконият ва имтиёзлар натижасида мамлакатимизга¸хусусан, Навоий шаҳрига ҳам 2018 йилнинг ўтган даври мобайнида, жумладан, 1-8 май кунларида Хитой, Эрон, Бирлашган Араб Амирликлари ва Туркия давлатларидан ўнлаб чет эл инвесторлари ўз бизнес лойиҳалари билан ташриф буюришди.

Хусусан, Навоий шаҳар Давлат хизматлари марказида Хитой давлатидан ташриф буюрган инвестор жаноб ЛИнинг "UZ-PEGASUS” МЧЖ корхонаси рўйхатга олинди. Эндиликда у мазкур корхонада трайвертин ҳамда ғиштни қайта ишлашни йўлга қўйиб, аҳоли учун янги иш ўринлари яратишга ва буюртмачиларга сифатли, харидорбоп маҳсулотларни етказиб беришга киришиб кетди.

Шунингдек, Бирлашган Араб Амирликларидан ташриф буюрган тадбиркор Rahman H Aziz ҳам апрел ойида шаҳримизда "FARID AZIZI” масъулияти чекланган жамиятини ташкил этиб, Навоий шаҳар Давлат хизматлари марказидан рўйхатдан ўтди. Бу ерда ўз фаолиятини бошлаган корхона келгусида калава ип маҳсулотларини ишлаб чиқариб, уларни қайта ишлаб, тайёр маҳсулотларни чет давлатларга экспорт қилишни режалаштирмоқда.

Раъно РАББИМОВА.