Навоий кон-металлургия комбинати тиббиёт санитария бўлимида "Соғлом бола йили” Давлат дастури доирасида шаҳар хотин-қизлар қўмитаси ташаббуси билан "Она ва бола саломатлиги жамият келажагидир” мавзусидаги тадбир ўтказилди.
Унда жамиятимизда соғлом оилани шакллантиришнинг аҳамияти ва бу борада тиббиёт ходимлари олдидаги долзарб вазифалар, никоҳдан олдинги тиббий кўрик, ҳомиладор аёллар билан ишлаш, она ва бола саломатлигини мустаҳкамлаш юзасидан амалга оширилаётган ишлар ҳақида сўз юритилди.
Маърузачилар оилавий поликлиника ва маҳаллалар мисолида бу йўналишда олиб борилаётган тарҳибот-ташвиқот ишлари ҳамда амалий тадбирларни кенг таҳлил этишди. Тадбир давомида қатнашчилар бўлимнинг аёллар маслаҳатхонасидаги шароит ва қулайликлар, шунингдек, бу ердаги хотин-қизлар қўмитаси бошланғич ташкилоти фаолияти билан ҳам танишдилар.