Навоий шаҳар ҳокимлиги Уй-жойлардан ва ётоқхоналардан
фойдаланиш бошқармаси ҳамда шаҳар ҳокимлиги ҳузуридаги
3-сонли ётоқхонасига қарашли ётоқхоналарнинг техник коммунал
хизмат кўрсатиш тарифларини ўзгартириш тўғрисида

Ўзбекистон Республикаси Вазирлар Маҳкамасининг 2010 йил 28 октябрдаги "Товарлар (ишлар, хизматлар)га тартибга солинадиган нархлар (тарифлар)ни декларация қилиш (тасдиқлаш) ва белгилаш тартибини янада такомиллаштириш чора-тадбирлари тўғрисида”ги 239-сон қарорига (Ўзбекистон Республикаси қонун ҳужжатлари тўплами, 2010 й., 42-43-сон, 364-модда) мувофиқ, Навоий шаҳар ҳокимлиги Уй-жойлардан ва ётоқхоналардан фойдаланиш бошқармасининг 2015 йил 13 ноябрдаги 452-сонли (қайд рақами 01-31/03308, 13.11.2015й.), шаҳар ҳокимлиги ҳузуридаги 3-сонли ётоқхонасининг 2015 йил 12 ноябрдаги 40-сонли (қайд рақами 01-31/03309, 13.11.2015й.) ҳамдавилоят молия бошқармасининг
2015 йил 03 декабрдаги 01-02-02-1780-сонли хатларини инобатга олиб,Ўзбекистон Республикасининг "Маҳаллий давлат ҳокимияти тўғрисида”ги Қонунининг 6-моддасига асосланиб  
ҚАРОР ҚИЛАМАН: 

1. Қуйидагилар :Навоий шаҳар ҳокимлиги Уй-жойлардан ва ётоқхоналардан фойдаланиш бошқармасига қарашли ётоқхоналарнинг техник коммунал хизмат кўрсатиш тарифлари 1, 2 ва 3-иловаларга мувофиқ;  Навоий шаҳар ҳокимлиги ҳузуридаги 3-сонли ётоқхонанинг техник коммунал хизмат кўрсатиш тарифи 4-иловага мувофиқ тасдиқлансин.
2. Коммунал тўловлар нархи ўзгарганда хизмат кўрсатиш тарифлари калькуляцияси ўзгариши инобатга олинсин.
3. Шаҳар ҳокимининг 2015 йил 06 августдаги "Навоий шаҳар ҳокимлиги Уй-жойлардан ва ётоқхоналардан фойдаланиш бошқармасига ҳамда шаҳар ҳокимлиги ҳузуридаги 3-сонли ётоқхонасига қарашли ётоқхоналарнинг техник коммунал хизмат кўрсатиш тарифларини ўзгартириш тўғрисида”ги Қ-415/08-сонли қарори ("Навоий пресс” газетасининг 2015 йил 21 августдаги №33(210)-сонли) ўз кучини йўқотган деб ҳисоблансин.
4. Мазкур қарор "Навоий пресс” газетасида расман эълон қилинсин ва ҳокимликнинг расмий веб-сайтига жойлаштирилсин.
5. Ушбу қарор матбуотда эълон қилинган кундан бошлаб кучга киради.6. Ушбу қарорнинг ижросини назорат қилиш шаҳар ҳокимининг биринчи ўринбосари А.Саломов зиммасига юклатилсин.   
 Навоий шаҳар ҳокими                                            Н.Ахатов