Навоий шаҳридаги 16-давлат ихтисослаштирилган умумтаълим мактабида бугунги кунда 2550 нафар ўқувчи таҳсил олмоқда.

Мактабга тажрибали педагог Нозима Тоғаева раҳбарлик қилиб келаяпти. Мактаб ўқувчиларининг Республика ва халқаро миқёсдаги ютуқлари талайгина. Хусусан, мактабнинг 11-синф ўқувчиси Субҳон Субҳонов "Менинг ҳуқуқ ва мажбуриятларим” кўрик-танловининг Республика босқичида 2-ўрин соҳиби бўлган. Жорий йил ўтказилган фан олимпиадасида кимё фанидан 9-синф ўқувчиси Диёр Отамуродов, тарих фани бўйича 10-синф ўқувчиси Муштарий Мустафоева 1-ўринни забт этган.  

Ўқувчиларнинг спорт соҳасидаги ютуқлари ҳам салмоқли. Жумладан, "Ўзбек жанг санъати” спорти бўйича Осиё чемпионатида Шоҳнур Боймуродов 1-ўринни, Бунёд Норов эса 3-ўринни эгаллаган. Шунингдек, бу спортчи ёшлар ўтган йили ноябрь ойида Москва шаҳрида ўтказилган жаҳон чемпионатида ҳам 2-ўрин соҳиби бўлган.

👉Навоий шаҳар ҳокимлиги Ахборот хизмати:@Navoiy_shahar_axborot_xizmat