Ўзбекистон Республикаси Президентининг фармонига биноан 1 октябрь – Ўқитувчи ва мураббийлар куни муносабати билан таълим соҳасидаги кўп йиллик самарали меҳнатлари, ёш авлоднинг интеллектуал салоҳиятини юксалтириш, уларни она Ватанга ҳурмат, истиқлол ғояларига садоқат руҳида тарбиялашдаги фидокорона хизматлари учун республикамизнинг бир гуруҳ ўқитувчи ҳамда педагог ходимлари давлатимизнинг юксак мукофотлари билан тақдирландилар. Улар орасида вилоятимизнинг қуйидаги ўқитувчи-мураббийлари ҳам бор:

АЧИЛОВ Дўсмурот Тошмуротович, Кармана туманидаги 21-умумий ўрта таълим мактабининг кимё фани ўқитувчиси – «Ўзбекистон Республикасида хизмат кўрсатган ёшлар  мураббийси»   

СУЛТОНОВА Қаноат Исломовна, Хатирчи хизмат кўрсатиш ва сервис касб-ҳунар коллежининг махсус фан ўқитувчиси – «Меҳнат шуҳрати» ордени  

КОВИЛЯЕВА Светлана Геннадевна, Навоий кончилик касб-ҳунар коллежининг махсус фан ўқитувчиси – «Дўстлик» ордени

ШАМСИЕВА Мақсуда Шавқиевна, Учқудуқ туманидаги 18-умумий ўрта таълим мактабининг инглиз тили фани ўқитувчиси – «Шуҳрат» медали

ЭШИМОВ Бахтиёр Рахматуллаевич, Навоий давлат педагогика институти қошидаги академик лицейнинг кимё фани ўқитувчиси – «Шуҳрат» медали.

Мукофотлар муборак бўлсин, азиз юртдошлар!