ХОТИРА УЙҒОНСА ГЎЗАЛДИР...

11-05-2015 19:15 Navoiy shahri, Yangiliklar

Ҳар йили анъанавий тарзда ўтказилиб келинаётган байрам бу йил ҳам эзгулик ва саховат, меҳр-мурувват каби фазилатларни ўзида мужассамлаштирди. Уруш ва меҳнат фронти фахрийлари, вилоятимиздаги ташкилот ва корхона раҳбарлари, ўқувчи ва талаба ёшлар, ҳарбий хизматчилар иштирокида бўлиб ўтган Хотира хиёбонига гул қўйиш маросими юртимиздаги тинчлик ва озодлик, фаровонлик ҳамда бахту саодатга шукроналикни ифода этди. Мотамсаро она ҳайкали пойига гулчамбарлар қўйилар экан, урушдан қайтмаган фарзандини соғинган ўзбек аёлининг сабру тоқати, фронт ортида туриб чеккан заҳматлари яна бир бор ёдга олинди. Ўтганлар хотирасига ҳурмат бажо келтирилди.— Иккинчи жаҳон урушидан етган талафот, машаққат ва қийинчиликлар кўплаб халқларнинг иқтисодини орқага сурган, оддий ҳаёт кечириш учун бир тишлам нон топиш орзу бўлган у кунларни бугун эртакдек эслаймиз, — дейди уруш қатнашчиси Ялла бобо Равшанов. — Сабаби, юртимизда осудалик ва тўқчилик, ривожланиш ҳамда тараққиёт ҳукмрон. Бу кунларни кўзингизга суртинг, тинчликни асранг, давлатимиз ривожига, жамиятимиз эртасига ўз ҳиссангизни қўшинг. Шундагина Ватан олдидаги бурчингизни оқлаган бўласиз. Ўтмишсиз келажак йўқ. Бугун юртимизда кекса авлод вакилларига кўрсатилаётган ҳурмат ва эҳтиром замирида ҳам тарихга бўлган эътибор мужассам. Зеро, улар меҳнати ва машаққати, жасорати билан биз бу кунларга етиб келдик.

Agarda Siz maqolada xatoni uchratgan bo‘lsangiz, unda matnni belgilab, (CTRL + ENTER) tugmasini bosing va sayt administratoriga xabarnoma jo‘nating.