Сайёра АБДИМУРОДОВА, 

Меҳрибонлик уйи тарбиячиси.

Ёш авлод таълим-тарбияси йўлида хизмат қилаётган, ўз севган касбига бутун ҳаётини бағишлаган тарбиячи-мураббийлар ҳар биримиз учун азиз ва ардоқлидир. Шаҳримиздаги Меҳрибонлик уйида бундай меҳридарё, болажон, жонкуяр тарбиячи-педагоглар талайгина. Улар эртаю кеч болалар бағрида бўлиб, ўғил-қизларнинг ўксик дилларига оналик меҳру қувончини улашиб,  оқ ювиб, оқ тараб келишаяпти. 

Маскандаги 8 та гуруҳда тарбияланаётган ўғил-қизлар мактаб даргоҳларида илм-фан сирларини ўрганишмоқда, спорт, санъат, ҳунармандчилик йўналишлари бўйича тўгаракларга қатнашиб, ўз иқтидори, ижодий қобилиятларини намоён этиб келишмоқда. Уларнинг эришаётган ютуқларида Насиба Ибрагимова, Бибигул Ўринова, Фазолат Қаюмова, Муҳаббат Исканова каби тарбиячи-мураббийларнинг хизматлари беқиёс. Ушбу педагогларимиз кўп йиллик самарали меҳнатлари учун давлатимизнинг юксак мукофотлари билан тақдирландилар. 

Ҳурматли ва азиз ҳамкасблар! Барчангизни 1 октябрь – Ўқитувчи ва мураббийлар куни байрами билан чин қалбимдан табриклайман. Таълим соҳасини ривожлантириш ва ёш авлод бахту камоли йўлида олиб бораётган ишларингизда улкан зафарлар ёр бўлсин!